လက်နက်ကြီးထိမှန်၍ ကျောင်းသား ၃ ဦး ထိခိုက်သေဆုံး

ဖေဖော်ဝါရီလ ၂၅ ရက်။ စောသိန်းမြင့် (ကေအိုင်စီ)

ကျောင်းသားတဦး

ကရင်ပြည်နယ် ဖာပွန်ခရိုင် ခေးပူကျေးနယ်အတွင်းရှိ စာသင်ကျောင်း တကျောင်းအား နအဖစစ်တပ်က လက်နက်ကြီးများဖြင့် လှမ်း၍ ပစ်ခတ်ခဲ့ရာ ကျောင်းသားတဦးသေဆုံးပြီး နှစ်ဦး ထိခိုက်ဒဏ်ရာရရှိခဲ့သည်ဟု မြန်မာပြည်လွတ်မြောက်ရေးအဖွဲ့ (Free Burma Ranger) က ယနေ့ သတင်းထုတ်ပြန်ခဲ့သည်။

ယခုလ ၁၉ရက်နေ့တွင် ခေးပူကျေးနယ်တွင် လှုပ်ရှားနေသည့် နအဖ အမှတ်(၇) နည်းဗျူဟာတပ်ဖွဲ့သည် တာယူပလော(ခေါ်) တာသူးခီးရှိ ရွာပုန်းရွာရှောင်(အိုင်ဒီပီ)နေထိုင်ရာသို့ လက်နက်ကြီး ၅ လုံးထက်မနည်း လှမ်းပစ်ခတ်ခဲ့ရာ ကလေးများ စာသင် ကြားနေသည့် စာသင်ကျောင်းကို လက်နက်ကြီးကျည်တလုံး ကျရောက်သည့်အတွက် ဆယ်ကျော်သက်အရွယ် ကျောင်းသား ၃ဦး ထိမှန်ကာ တဦးမှာ သေဆုံးသွားရခြင်းဖြစ်သည်ဟု (Karen Teacher Working Group-KTWG)မှ ကျောင်းဆရာတဦးက ပြောသည်။

“တာသူးခီးနဲ့ မနီးမဝေးမှာ နအဖ အမှတ် (၇) နည်းဗျူဟာတပ်ဖွဲ့ ရှိတယ်။ အဲဒီတပ်ဖွဲ့က ဒီလ ၁၉ရက်မနက် ၉နာရီကျော် လောက်မှာ ရွာသူရွာသားတွေ ရှိနေတဲ့နေရာကို လက်နက်ကြီးနဲ့ ၅လုံး၊ ၆လုံးလောက် လှမ်းပစ်တယ်။ အလုံးများတော့ စာသင် ကျောင်းထဲကို တလုံးကျလာပြီး ကလေး ၃ယောက်ကို ထိသွားတယ်။ အဲဒီအထဲက တယောက်ဟာ ဒဏ်ရာပြင်းထန်တော့ သေဆုံးသွားတယ်”ဟု ၎င်းက ပြောသည်။

ယင်းသို့ နအဖ စစ်တပ်၏ လက်နက်ကြီးထိမှန်သွားသည့် ကျောင်းသားလေးများမှာ စောရိုဘီမူး ၁၆နှစ်၊ စောအယ်ကော်သော ၁၂နှစ်နှင့် စောရီးရီ ၁၀နှစ်တို့ဖြစ်ကြပြီး စောရိုဘီမူးမှာမူ ၀မ်းဗိုက်တွင် ထိမှန်သည့်ဒဏ်ရာ အလွန်ပြင်းထန်သောကြောင့် နီးစပ် ရာဆေးခန်းသို့ ပို့ဆောင်ရန် ကြိုးပမ်းခဲ့သော်လည်း ဖေဖော်ဝါရီလ ၂၁ရက်နေ့တွင် သေဆုံးသွားခဲ့သည်ဟု FBR က သတင်း ထုတ်ပြန်ခဲ့သည်။

နအဖမှ ပစ်ခတ်ခဲ့သည့် လက်နက်ကြီး အပိုင်းအစတခု

လူဦးရေ ၃၀၀ကျော် နေထိုင်သည့် တာယူပလော(ခေါ်)တာသူးခီး ပြည်တွင်းရွာပုန်းရွာရှောင်နေရာတွင် ပြီးခဲ့သည့် ရက်အနည်းငယ်က အဆိုပါစစ်တပ်မှ မကြာခဏ လာရောက်ပစ်ခတ်ခဲ့သော်လည်း ယခုလို စာသင်ကျောင်းထိမှန်ကာ ကျောင်းသားများ ထိခိုက်သေဆုံးမှုမှာ ပထမဦးဆုံးအကြိမ် ဖြစ်သည်။

ဘူးသိုမြို့နယ်အတွင်းရှိ ခေးပူကျေးနယ်သည် ဖာပွန်ခရိုင်၏ မြောက်ဖက်စွန်းတွင်ဖြစ်ပြီး လွန်ခဲ့သည့် ၂ နှစ်ဝန်းကျင်ကတည်းက နအဖ စစ်တပ်ကို ပုန်းရှောင်ရင်း အိုင်ဒီပီဒေသ ဖြစ်လာခဲ့ရသည်။

အလုပ်သမားဆန္ဒပြမှု အင်းစိန်သို့ကူးစက်

NEJ/ ၁၇ ဖေဖော်ဝါရီ ၂ဝ၁ဝ

ရန်ကုန်မြို့ အင်းစိန် ရွာမ ဆန်စက်လမ်း ခေါ် ဖွဲနုလမ်းရှိ လိုင်းယွန်းစီးတီး အထည်ချုပ်စက်ရုံတွင် အလုပ်သမားများသည် လုပ်ခလစာ တိုးမြှင့်ပေးရေး အပါအ၀င် တောင်းဆိုချက် (၃) ချက်ကို ဒုတိယနေ့အဖြစ် ယနေ့ ငြိမ်းချမ်းစွာ ဆန္ဒပြနေကြသည်။

ယမန်နေ့ ညနေ (၄) နာရီခန့်တွင် အလုပ်သမားဦးရေ (၁၀၀) ၀န်းကျင်က အလုပ်ရပ်နားကာ စက်ရုံအတွင်း ငြိမ်သက်စွာ ဆန္ဒပြနေကြပြီး ယနေ့ နံနက်ပိုင်း အလုပ်ဆင်းချိန်တွင်လည်း ဆက်လက် ဆန္ဒပြနေကြခြင်းဖြစ်သည်။

“အများပြည်သူ ရုံးပိတ်ရက်မှာ ပိတ်ပေးဖို့ရယ်၊ လက်ရှိ အိုတီကြေး (၁၀၀) ကျပ်ကနေ (၂၀၀) တိုးပေးဖို့ရယ်၊ အခြေခံလစာတိုးပေးဖို့ တောင်းဆိုနေပါတယ်” ဟု အဆိုပါ အလုပ်သမားဆန္ဒပြပွဲသို့ ရောက်ရှိနေသည့် မျက်မြင်တဦးက ပြောကြားသည်။

အလုပ်သမားများ ငြိမ်းချမ်းစွာ ဆန္ဒပြတောင်းဆိုရာ လိုင်းယွန်းစီးတီး အထည်ချုပ်စက်ရုံကို ရဲလုံထိန်းကား (၁၀) စီး၊ မီးသတ်ကား (၁) စီး၊ အချုပ်ကား (၁) စီးတို့ဖြင့် ၀ိုင်းရံစောင့်ကြပ်နေကြောင်း သိရသည်။

“အခြေအနေက ငြိမ်သက်နေတယ်။ လုံထိန်းကားတွေရှေ့ကနေ ရဲကား အသေးတစီးပါလာတယ်။ အထဲကိုတော့ ၀င်သွားတယ်။ အလုပ်သမား တောင်းဆိုချက်တွေကို ညှိတယ်၊ မညှိဘူး မသိရသေးဘူး” ဟု အဆိုပါမျက်မြင်ဖြစ်သူက ဆက်လက်ပြောကြားသည်။

အထည်ချုပ်အလုပ်သမားအချို့နှင့် ရင်းနှီးသူ ဈေးသည်တဦးကမူ “အထည်ချုပ်အလုပ်သမားတွေက မနက် (၈) နာရီကနေ ည (၉) နာရီလောက်အထိ အလုပ်လုပ်ကြရတာ။ လစာက (၂) သောင်းခွဲကနေ (၄) သောင်းကျပ်လောက် အတွင်းပဲရတာ။ အခု အစိုးရ၀န်ထမ်းတွေတိုးပြီး သူတို့တွေ မတိုးလို့ ဆန္ဒပြကြတာ။ ဒီနေ့တော့ ညှိမယ်လို့ကြားတာပဲ” ဟု ပြောသည်။

စက်ရုံအနီးနေထိုင်သူတဦးကလည်း “တချို့ အလုပ်သမားတွေကတော့ မနေ့ညကပြန်သွားကြပြီ။ အယောက် (၂၀) လောက်ပဲ ပြန်သွားတာ။ တော်တော်များများတော့ ဆက်ပြီး ဆန္ဒပြနေကြတယ်။ မိန်းကလေးတွေများတယ်။ စက်ရုံထဲမှာပဲ ဆန္ဒပြနေကြတာ။ အလုပ်သမား (၁၀၀) ကျော်လိမ့်မယ်။ အပြင်မှာတော့ လုံထိန်းကားတွေ စောင့်နေတယ်” ဟု ဆိုသည်။

ပြီးခဲ့သည့်နှစ် ဒီဇင်ဘာမှစတင်ကာ မြန်မာနိုင်ငံတွင်းရှိ စက်ရုံအလုပ်သမားများက လစာနှင့် အလုပ်သမားအခွင့်အရေး တိုးမြှင့်ပေးရေးအတွက် ဆက်တိုက် ဆန္ဒပြတောင်းဆိုလာကြခြင်းဖြစ်သည်။

ရွာ(၃)ရွာကို စခန်းဆောက်ရန် ဒီကေဘီအေ အဓမ္မခိုင်းစေ

ဖေဖော်ဝါရီလ ၁၂ရက်။ စောခါးစူးညား (ကေအိုင်စီ)

ဒီကေဘီအေ၏ တပ်မဟာ (၉၉၉)လက်အောက်ခံ တပ်ရင်း(၇)က ၎င်းတို့အခြေစိုက်တပ်စခန်းသစ် အပြီးသတ်တည်ဆောက် ရန်အတွက် ကရင်ပြည်နယ်၊ ပိုင်ကျုံ(တာကရယ်)မြို့နယ်အတွင်းရှိ ၀ါ့မီကလားကျေးရွာအုပ်စု ရွာ(၃)ရွာကို ဒုတိယအကြိမ် အဓမ္မလုပ်အားပေး ခိုင်းနေသည်ဟု ကေအိုင်စီက စုံစမ်းသိရှိရသည်။

အဓမ္မလုပ်အားပေးခိုင်းခံရသည့် ရွာ(၃)ရွာမှာ ကလေ့ဖိုးကလိုး၊ ကလေ့မိုခီးနှင့် ထီးတိုကော်(လို့လာ့လေး)ရွာများဖြစ်ပြီး မသွား မနေရ စနစ်ဖြင့် ခိုင်းစေခြင်းဖြစ်ကြောင်း ၀ါ့မီကလားကျေးရွာအုပ်စုမှ ဒေသခံရွာသားတဦးက ကေအိုင်စီကို ယနေ့မနက်တွင် ပြောဆိုသည်။

“ပြီးခဲ့တဲ့ ၂ရက်က သွားလုပ်ရတာ။ မသွားမနေရပဲ။ ကျနော်တို့ ရွာသားတွေ တရက်ကို တရွာစီ အလှည့်ကျစနစ်နဲ့ သွားရ တယ်။ တရွာကို ၄ယောက်ကနေ ၈ယောက်အထိ သွားရတယ်။ လမ်းခရီးက ၂း၀၀နာရီ သွားရတယ်။ အလုပ်လုပ်ပေးရတာ အရမ်းပင်ပန်းတယ်။ ထမင်းတော့ ကျွေးတယ်။ ဒါပေမယ့် ဘယ်သူမှ မသွားချင်ကြဘူး။ သူတို့(ဒီကေဘီအေ)ကို ကြောက်လို့ပဲ သွားရတာ”ဟု သူက ဆိုသည်။

ထိုင်းနိုင်ငံ၊ နိုဘိုးကျေးရွာ သောင်ရင်းမြစ်တဖက်ကမ်းတွင်ရှိသော ဒီကေဘီအေ၏ ၀ါ့ခေါကျိုးတပ်စခန်းကို ယခု ဖေဖော်ဝါရီလ ၁၀ရက်နေ့မှစ၍ အဆိုပါကျေးရွာများက သွားရောက်ဆောက်လုပ်ပေးခဲ့ရာ ခြံစည်းရိုးကာ၊ ၀ါးခုတ်နှင့် ၀ါးသဲပုတ်ပေါက် စသည့် အလုပ်များကို တနေကုန် လုပ်ခဲ့ရခြင်းဖြစ်သည်ဟု သူက ဆက်လက်ပြောဆိုသည်။

ဒီကေဘီအေ၏ လုပ်ရပ်မှာ ထိုဒေသရှိ ရွာသူရွာသားများအတွက် စားဝတ်နေရေး ပိုမိုခက်ခဲလာနိုင်ကြောင်း ပိုင်ကျုံ(တာက ရယ်)မြို့နယ်အတွင်း လှုပ်ရှားနေသည့် ကရင်အမျိုးသားလွတ်မြောက်ရေးတပ်မတော်(ကေအဲန်အယ်လ်အေ)မှ တပ်ရင်း (၂၂) ဒုရင်းမှူး စောဒီးကွယ်က ယခုလို ပြောသည်။

၎င်းက “အခုက နေ့တိုင်းလိုလို ရွာသားတွေ သွားရတယ်။ ရွာသားတွေကို စိတ်တိုင်းကျ ခိုင်းတယ်။ ဒီလိုလုပ်တော့ ရွာသား တွေဟာ သူတို့အလုပ်ကို သူတို့ မလုပ်အားကြတော့ဘူး။ ဒီလိုဆက်လုပ်မယ်ဆိုရင် ရွာသားတွေ စားဝတ်နေရေးပြဿနာနဲ့ ပိုရင် ဆိုင်လာရနိုင်တယ်”ဟု ဆိုသည်။

သို့သော် အဆိုပါကိစ္စနှင့် ပတ်သက်၍ ဒီကေဘီအေ (၉၉၉)လက်အောက်ခံ တပ်ရင်း(၇) ဒုဗိုလ်မှူးကြီး စောလိုက်သိမ့်အား ဖုန်းဆက်မေးမြန်းခဲ့ရာ ၎င်းက မဟုတ်မှန်ကြောင်းနှင့် မိမိတို့တပ်စခန်းကို မည်သည့်ရွာသူရွာသားမျှ လာရောက်ဆောက်လုပ် ပေးခြင်းမရှိကြောင်း ပြန်လည်ဖြေဆိုခဲ့သည်။

ဒီကေဘီအေ၏ အမိန့်အရ ယခုလ ၁၀ရက်နေ့တွင် ထီးတိုကော်ခီးရွာမှ ရွာသား ၆ဦး၊ ယမန်နေ့ ၁၁ရက်နေ့တွင် ကလေ့ဖိုးက လိုးရွာမှ ရွာသား ၄ဦးတို့က စခန်းအပြီးသတ်တည်ဆောက်ရေးအတွက် သွားရောက်လုပ်ကိုင်ပေးခဲ့ရသည်ဟု သိရသည်။

အလားတူ ကလေ့ဖိုးကလိုး၊ ကလေ့မိုခီးနှင့် ထီးတိုကော်ရွာသားများသည် ပြီးခဲ့သည့် ဇန်န၀ါရီလဆန်းပိုင်းက ၎င်းစခန်းအ တွင်းရှိ ခြံစည်းရိုးကာရံခြင်း၊ တဲဆောက်လုပ်ပေးခြင်းနှင့် ဆေးရုံဆောက်လုပ်ပေးခြင်းကို ၀ါးအလုံး ၁,၀၀၀၊ ၀ါးသဲပုတ် ၄၀၀ ချပ် ယူဆောင်ကာ ပထမအကြိမ်အဖြစ် သွားရောက်ဆောက်လုပ်ခဲ့ရသေးသည်။

ရွာသား ၅၀၀ကျော် တောထဲပြေးပုန်းနေရ

ဖေဖော်ဝါရီလ ၁၁ရက်။ စောသိန်းမြင့် (ကေအိုင်စီ)

ကရင်ပြည်နယ် မြောက်ပိုင်း ညောင်လေးပင်ခရိုင် ကျောက်ကြီးမြို့နယ်တွင် ယခုလဆန်းပိုင်းအတွင်း လှုပ်ရှားနေ သော နအဖစစ်တပ်များသည် ကေအဲန်ယူထိန်းချုပ်ရာ နယ်မြေရှိ ကျေးရွာအတွင်း ၀င်ရောက်သောင်းကျန်းမှု ကြောင့် ဒေသခံရွာသား ၅၀၀ကျော်မှာ တောတောင်ထဲသို့ ထွက်ပြေးပုန်းအောင်းနေရသည်ဟု သိရသည်။

ထိုဒေသ၌ လှုပ်ရှားနေသော နအဖစစ်တပ် စစ်ကွပ်ကဲရေး ဌာနချုပ် (စကခ-၁၀) လက်အောက်ခံ နည်းဗျူဟာ (၃) မှ ခမရ(၃၆၂)၊ (၃၆၇)တို့ ပူးပေါင်းတပ်ရင်းသည် ယခုလ (၇)ရက်နှင့် (၉)ရက်နေ့တွင် ကျောက်ကြီးမြို့နယ် ကွီး လားကျေးရွာအုပ်စုအတွင်း ၀င်ရောက်လှုပ်ရှားခဲ့ရာတွင် ရွာ ၃ရွာ မီးရှို့ဖျက်ဆီးခဲ့သည်ဟု မြန်မာပြည်လွတ်မြောက် ရေးအဖွဲ့(FBR)မှ စောဘောဘိုးက ပြောသည်။

၎င်းက “မီးရှို့ခံရတဲ့ ရွာတွေကတော့ ဟီတိုထာ့၊ ဒီးဒီးမုဒဲနဲ့ ကဟီဒေးရွာတွေဖြစ်တယ်။ အဲဒီရွာမှာရှိတဲ့ ဆေးပေးခန်း တခုရယ်၊ မူလတန်းကျောင်းတလုံးရယ် နအဖက အကုန်လုံး မီးရှို့ပစ်လိုက်ပြီ။ လောလောဆယ် ရွာသား ၅၀၀ ကျော် တောထဲကို ထွက်ပြေးပုန်းအောင်းနေကြရတယ်။ နအဖစစ်တပ်တွေ ရွာထဲမှာ လှုပ်ရှားနေတုန်းပဲ ဖြစ်နေ တော့ ရွာသားတွေက လုံးဝ အတွေ့မခံဘူး။ နအဖကလည်း တွေ့တာနဲ့ ဘာမှမမေးဘဲ တန်းပြီး သတ်ပစ်တာကိုး” ဟု ပြောသည်။

အိမ်ခြေ ၅၀နီးပါးရှိ အဆိုပါ မီးရှို့ဖျက်ဆီးခံရသည့် ကျေးရွာများသည် ရေတိုအချိန်တွင် ၎င်းတို့ သိုလှောင်ထား သည့် အစားအစာများဖြင့် ဖူလှုံနိုင်သော်လည်း ရေရှည်တွင် စားနပ်ရိက္ခာအခက်အခဲများနှင့် ကြုံရနိုင်သည်ဟု စော ဘောဘိုးက ဆက်ပြောသည်။

ဌာနေမဲ့ ပြည်တွင်း ကရင်ဒုက္ခသည်များဆိုင်ရာ ကော်မတီမှ စောစတိဗ်က “အဲဒီထွက်ပြေးတိမ်းရှောင်နေတဲ့ ရွာ သားတွေကို စီအိုင်ဒီကေပီအနေနဲ့က လက်ရှိ ကျောက်ကြီးမြို့နယ်မှာ ကျနော်တို့လူတွေ ရှိတယ်လေ။ ရွာသားတွေ လိုအပ်တဲ့ အိုးခွက်ပန်းကန်တို့၊ အ၀တ်အစား၊ စောင်၊ ခြင်ထောင်တို့ဆိုရင် အခု လိုက်ပေးနေပြီ”ဟု ပြောသည်။

ကေအဲန်ယူ တပ်မဟာ (၃)နယ်မြေ ညောင်လေးပင်ခရိုင် ကျောက်ကြီးမြို့နယ်ရှိ ကွီးလားကျေးရွာအုပ်စုသည် ရွာ ပေါင်း ၁၀ရွာကျော်ရှိပြီး အဆိုပါ ရွာများသည် နအဖစစ်တပ်ကို အတွေ့မခံသော ရွာပုန်းရွာရှောင်များဖြစ်ကြသည် ဟု သိရသည်။

လွန်ခဲ့သည့် ဇန်န၀ါရီလ ၁၇ရက်နေ့က ၎င်းနအဖ ခမရ(၃၆၇)တပ်ရင်းသည် ညောင်လေးပင်ခရိုင် ကျောက်ကြီးမြို့ နယ် ခဲဒဲကျေးရွာအုပ်စုအတွင်း စစ်ရေးလှည့်လည်လှုပ်ရှားနေစဉ် ရွာသားနှစ်ဦး ပစ်သတ်ခဲ့ပြီး ရွာကိုပါ မီးရှို့ဖျက် ဆီးခဲ့သည်။

မြန်မာ(၉)ဦး သေဆုံးမှုတွင် ပါဝင်ပတ်သက်သူများအား ထိုင်းရဲက ဖမ်းဝရမ်းထုတ်

ဖေဖော်ဝါရီလ ၃ရက်။ စောခါးစူးညား (ကေအိုင်စီ)

ပြီးခဲ့သည့် ရက်သတ္တပတ်က မြန်မာ(၉)ဦး ပစ်သတ်ခံရသည့် အမှုတွင် ပါဝင်ပတ်သက်သူ ထိုင်းရဲအရာခံဗိုလ်တဦး၊ ထိုင်းနိုင် ငံသား(၄)ဦးနှင့် မြန်မာနိုင်ငံသား တရုတ်လူမျိုးတဦးတို့အား ဖမ်းဝရမ်းထုတ်လိုက်ပြီဟု ထိုင်းအမှတ်(၆) ရဲတိုင်းမှူး ဆူရစီ ဆွန်ထောင်းဆာရထွန်က ယနေ့ ပြောကြားလိုက်သည်။

လူအစုလိုက် အပြုံလိုက် သတ်ဖြတ်ခြင်း ပြစ်မှုထင်ရှားသည့်အတွက်ကြောင့် အဆိုပါ လူများကို ယခုလို ဖမ်းဝရမ်းထုတ် လိုက်ရခြင်းဖြစ်ကြောင်း ယနေ့ မဲဆောက်မြို့၊ ရဲစခန်းတွင် ပြုလုပ်သည့် သတင်းစာရှင်းလင်းပွဲတွင် ဆူရစီဆွန်ထောင်းဆာရ ထွန်က ဒေသခံသတင်းထောက်များအား ပြောဆိုခဲ့ခြင်းဖြစ်သည်။

“အခု ပြစ်သတ်မှုမှာ ပါဝင်သူတွေကို ကျနော်တို့ ဖမ်းဝရမ်းထုတ်လိုက်တယ်။ ဒီနေ့ ဖမ်းမယ့်အချိန်မှာ ထွက်ပြေးတိမ်း ရှောင်သွားတယ်။ မြန်မာပြည်ဘက်ကို ထွက်ပြေးမယ်လို့ ကျနော်တို့ ယူဆရတယ်။ ဘယ်လိုပဲဖြစ်ဖြစ် သူတို့ကို ဖမ်းဆီးဖို့ ဆက်လက်ကြိုးပမ်းသွားမှာဖြစ်ပြီး ဥပဒေအတိုင်း အရေးယူသွားမှာဖြစ်ပါတယ်”ဟု သတင်းစာရှင်းလင်းပွဲတွင် သူက ပြော ဆိုသွားသည်။

ဖမ်းဝရမ်းထုတ်လိုက်သည့် သူများထဲမှ ဦးဆောင်သူ ထိုင်းရဲအရာခံဗိုလ်ဖြစ်သူ စုမ်ချိုင်းပင်ကဲ့ယောက်သည် မြန်မာများကို ပစ်သတ်ခဲ့ပြီး ရက်ပိုင်းအတွင်း ၎င်းတာဝန်ကျရာ မဲဆောက်မြို့၊ တောင်ဘက်ခြမ်း ၈၄ကီလိုမီတာ အကွာဝေး အမှတ်(၄၈) ဂိတ်တွင် မိမိကိုယ်ကို ကြိုးဆွဲကျအဆုံးစီရင်ခဲ့ပြီး ကျန်ရှိသည့် (၅)ဦးကို ထွက်ပြေးလွတ်မြောက်နေဆဲဖြစ်သည်ဟု သိရ သည်။

စုမ်ချိုင်းပင်ကဲ့ယောက် သေဆုံးပြီးနောက် အမှတ် (၆)ရဲတိုင်းမှ မူးယစ်ဆေးဝါးနှိမ်နင်းရေးအတွက် စေလွတ်ထားသည့် ရဲတပ်ကြပ်တဦးလည်း ယမန်နေ့ညတွင် အမည်မသိ သေနတ်သမား အဖွဲ့တဖွဲ့က လာရောက်ပစ်ခတ်ကာ အဆိုပါ ရဲတပ် ကြပ်ကြီး သေဆုံးသွားသည်ဟု သိရသည်။

အဆိုပါ ပစ်သတ်ခံရသည့် ရဲတပ်ကြပ်ကြီးသည် ၎င်းသေဆုံးမှုနှင့်ပတ်သက်၍ ဖြစ်စဉ်အားလုံးသိရှိထားခဲ့ရာ အထက်သို့ အစီရင်ခံခဲ့သည့်အတွက် နှုတ်ပိတ်လိုက်ခြင်းဖြစ်သည်ဟု ယူဆရကြောင်း မဲဆောက်အခြေစိုက် ထိုင်းသတင်းထာက်များက မေးမြန်းခဲ့ရာတွင် တိုင်းမှူးက ပြန်လည်ဖြေကြားခဲ့သည်။

ပြီးခဲ့သည့် ဇန်န၀ါရီလ ၂၇ ရက် မှ ၃၁ ရက်နေ့အတွင်း အဆိုပါ မြန်မာနိုင်ငံသား(၁၂)ဦးသည် မြန်မာကယ်ရီတဦး၏အကူအ ညီဖြင့် မဲဆောက်မှဘန်ကောက်သို့ တောလမ်းခရီးအတိုင်းအသွား (၄၈)ဂိတ်တွင် ရောက်ရှိစဉ် ၎င်းတို့ကို ဖမ်းဆီးပြီး ဆွေမျိုးသားချင်းများကို တဦးလျှင် ဘတ်ငွေ (၁)သောင်းဖြင့် လာရောက်ရွေးခိုင်းခဲ့ရာတွင် လာရောက်ခြင်းမရှိသဖြင့် အဆို ပါ ရဲအရာခံဗိုလ် စုမ်ချိုင်းပင်ကဲ့ယောက်ဦးဆောင်၍ ထိုင်းဒေသခံရွာသား ၄ဦးနှင့် မြန်မာနိုင်ငံသား တရုတ်လူမျိုးတဦးတို့နှင့် ပူးပေါင်းကာ ၄င်းမြန်မာ ၉ဦးအား သတ်ဖြတ်လိုက်ခြင်းဖြစ်သည်။

သေနတ်သမားများက အဆိုပါ မြန်မာနိုင်ငံသား(၁၂)ဦးကို ပစ်သတ်ခဲ့ရာတွင် (၇)ဦးသေဆုံး၊ (၂)ဦး ပျောက်ဆုံးကာ (၃)ဦး လွတ်မြောက်သွားခဲ့သည်ဟု ထိုင်းရဲများက ဆိုသည်။

ပစ်သတ်ခံရသူများ၏ ဦးခေါင်းမှ သေနတ်ဒဏ်ရာတွင် ဒဿမ (၃၈နှင့်၂၂) ကျည်အမျိုးအစားများတွေ့ရှိရပြီး လက်ရှိအချိန် တွင် (၉)ဦးထဲမှ (၇)ဦး၏ အလောင်းကို မဲဆောက်ဆေးရုံနှင့် ဖို့ဖတ်မြို့နယ် ဆေးရုံရှိ ရေခဲတိုက်တွင် ထားရှိကာ အဆိုပါ သေဆုံးသူများ၏ အလောင်းများကို သင်္ဂြိုဟ်ရန် ဆွေမျိုးသားချင်းများက မဲဆောက်မြို့တွင် စောင့်ဆိုင်းလျှက်ရှိကြောင်း သိ ရသည်။

ပစ်သတ်ခံရပြီး သေဆုံးသွားသူ(၉)ဦးမှာ စောမူးချဲ့ချဲ့(၂၈)နှစ်၊ စောကျော်ဦး(၂၇)နှစ်၊ နော်ကြို့အေး(၃၂)နှစ်၊ စောဒီဒို့(၂၈) နှစ်၊ စောအကို(၂၇) နှစ်၊ နော်အေးချို(၃၂)နှစ်၊ စောထူးအောင်(၃၅)နှစ်၊ နော်ခရိုး(၃၃)နှစ်နှင့် နော်တင်ချိုအေး(၂၈)နှစ်တို့ ဖြစ်သည်ဟု သိရသည်။

မိမိစားဝတ်နေရေး ပြေလည်ရေးအတွက် ဘန်ကောက်သို့ အလုပ်တက်လုပ်ရန် သွားသည့် အဆိုပါ မြန်မာနိုင်ငံသား ၁၂ဦးသည် ကရင်ပြည်နယ် လှိုင်းဘွဲ့မြို့နယ် ကျိုက်ပေါင်ကျေးရွာမှ ရွာသား (၉)ဦးနှင့် အခြားအမည်မသိ ရွာသား (၃)ဦးတို့ ဖြစ်သည်ဟု သိရသည်။

မြန်မာနိုင်ငံသားများသည် ထိုင်းနိုင်ငံသို့ အလုပ်လာရောက်လုပ်ကိုင်ရာတွင် အလားတူ အစုလိုက် အပြုံလိုက် သတ်ဖြတ်မှု များ မကြာခဏ ဖြစ်ပွားလေ့ရှိပြီး လွန်ခဲ့သည့်(၄)နှစ်က မဲဆောက်မြို့တွင် မြန်မာအလုပ်သမား(၈)ဦးကိုလည်းကောင်း၊ မဲ့လ မတ် မြို့နယ်အတွင်း လွန်ခဲ့သည့်(၇)နှစ်က မြန်မာ(၁၇)ဦးကိုလည်းကောင်း အုပ်စုလိုက်အသတ်ခံရမှုများ ရှိခဲ့ကြောင်း သိရ သည်။