NEJ/ ၃၀ ဇန်န၀ါရီ ၂၀၀၈
ကရင်အမျိုးသားအစည်းအရုံး (ကေအန်ယူ) မှ ခွဲထွက်ကာ နအဖစစ်အစိုးရနှင့် ပူးပေါင်း သွားသည့် ကေအန်ယူတပ်မဟာ (၇) တပ် မဟာမှူးဟောင်း စောဌေးမောင်ဦးစီးသည့် ကေအန်ယူ- ကေအန်အယ်လ်အေ ငြိမ်းချမ်း ရေးကောင်စီအဖွဲ့မှ ဗိုလ်မှူးစောလယ်မူးသည် ယမန်နေ့ညက ဗုံးပေါက်ကွဲမှုကြောင့် သေဆုံး သွားကြောင်း သိရသည်။
ဗိုလ်မှူးစောလယ်မူးသည် ဗိုလ်ဌေးမောင် ယခင်အခြေစိုက်နေထိုင်သွားသည့် တပ်မဟာ (၇) ဒေသအတွင်းရှိ စခန်းတွင် အိပ်ပျော်နေစဉ် အိပ်ရာကုတင်အောက်မှ ဗုံးတလုံးပေါက်ကွဲပြီး သေဆုံးသွားခြင်းဖြစ်ကြောင်း ကေအန်ယူတပ်မဟာ (၆) မှ ဗိုလ်မှူးတဦးက ပြောသည်။
ဗိုလ်မှူးစောလယ်မူး၏ အလောင်းကို ယနေ့နံနက်တွင် အဆိုပါနေရာမှ ငြိမ်းချမ်းရေးကောင်စီ အခြေစိုက်ရာ ကော့ကရိတ်မြို့နယ် ထော့ကိုကိုးရွာသို့ သယ်ယူသွားကြောင်း မြ၀တီဒေသခံတဦးက ပြောသည်။
ဗိုလ်မှူးစောလယ်မူးသည် ယခင်တပ်မဟာ (၇) မှူးဟောင်း ဗိုလ်ဌေးမောင် နအဖထံ သွားရောက် ပူးပေါင်းနိုင်ရေးအတွက် အဓိကဦးဆောင်ခဲ့သူဖြစ်ကြောင်း ဒေသခံများကပြောသည်။ ၎င်းသည် ဗိုလ်ဌေးမောင်နှင့် သမက်တော်စပ်သူလည်း ဖြစ်သည်။
၎င်းသည် မြန်မာနိုင်ငံမှတဆင့် အိန္ဒိယနိုင်ငံ၌ ကျောင်းသွားတက်စဉ် ဗိုလ်ဌေးမောင်၏သမီးနှင့် တွေ့ဆုံခဲ့ပြီး ၁၉၉၁ ခု ၀န်းကျင်ခန့်တွင် ယခင်တပ်မဟာ (၇) ဌာနချုပ်တွင် လက်ထပ်ခဲ့ပြီး ကေအန်ယူသို့ စတင်ရောက်ရှိလာသူဖြစ်သည်။
ယခင်တပ်မဟာ (၇) မှူးဟောင်း စောဌေးမောင်နှင့်အဖွဲ့သည် ယမန်နှစ် ဖေဖော်ဝါရီလဆန်းတွင် ကေအန်ယူ- ကေအန်အယ်လ်အေ ငြိမ်းချမ်းရေးကောင်စီအဖွဲ့ကို စတင်ဖွဲ့စည်းခဲ့သည်။
24 January 2008
ဒေါ်အေးအေးမာ - နားဆင်ရန်
(MP3) audio clip
ကရင်ပြည်နယ်အတွင်းမှာ ကရင်လက်နက်ကိုင်အချင်းချင်း တိုက်ပွဲတွေက ဒီကြားထဲမှာ ပိုပြီးတွေ့နေရပါတယ်။ မနေ့က ထိုင်းနယ်စပ် မြ၀တီမြို့နယ်အတွင်းမှာ တိုးတက်သော ကရင်ဗုဒ္ဓဘာသာတပ်မတော် (ဒီကေဘီအေ) အဖွဲ့ဝင်တွေ လိုက်ပါလာတဲ့ ကားတစီးကို ကရင်အမျိုးသားအစည်းအရုံး (ကေအဲန်ယူ) တပ်ဖွဲ့တွေက ခြုံခိုတိုက်ခိုက်တာ
ကြောင့် ဒီကေဘီအေတပ်သားအချို့ သေဆုံးတယ်လို့ သိရပါတယ်။ ဒီအကြောင်းနဲ့ ပတ်သက်လို့ ဗွီအိုအေ ထိုင်းအခြေစိုက်သတင်းထောက် မအေးအေးမာက ဆက်သွယ်မေးမြန်း တင်ပြထားပါတယ်။
ကရင်ပြည်နယ် ကော့ကရိတ်မြို့နယ် ၀လေနဲ့ ဖလူးကြားနေရာမှာ ဒီကေဘီအေ ဒီမိုကရက်တစ် ကရင်ဗုဒ္ဓဘာသာတပ် ပိုင်တဲ့ကားတွေကို ကေအဲန်ယူ ကရင်အမျိုးသားအစည်းအရုံး အထူးတပ်ရင်းက ပစ်ခတ်ခဲ့တာကြောင့် သုံးဦးထက်မနည်း သေဆုံးခဲ့ပြီး
ပြင်းထန်စွာ ဒဏ်ရာရမှုတွေ ရှိခဲ့ပါတယ်။ ဒီသတင်းနဲ့ပတ်သက်ပြီး ကေအဲန်ယူပြန်ကြားရေးနဲ့ စည်းရုံးရေးဌာနတာဝန်ခံ ဗိုလ်မှူးစောလှငွေကို မေးကြည့်တဲ့အခါမှာတော့ …
“ဒီကေဘီအေက ကားနှစ်စီးနဲ့ နအဖဘက်က ကားတစီး၊ စုစုပေါင်း ကားသုံးစီးကို တိုက် ခိုက်ခဲ့တာဖြစ်တယ်။ အသေအပျောက်ကတော့ ကိုးယောက်မှာ အဲဒီနေရာမှာ ပွဲချင်းပြီး နှစ်ယောက်သေတယ်လို့ကြားတယ်။ နောက် အဲဒီကိုးယောက်ထဲက ဒီနေ့မှာ မြ၀တီဆေးရုံမှာ နောက်တယောက်သေတယ်လို့ ကြားတယ်။ ထိသွားတဲ့အဖွဲ့ကတော့ ဒီကေဘီအေ ၃၃၃ တပ်ရင်းကလို့ ပြောတယ်”
ဇန်န၀ါရီလအတွင်းမှာတော့ အခုလိုမျိုး လမ်းတွေမှာစောင့်ပြီး ကေအဲန်ယူဘက်က ပစ်ခတ်မှုတွေရှိတာကြောင့် ဒါဟာ ဒီကေဘီအေကို ပစ်မှတ်ထားပြီး တိုက်ခိုက်တာဟုတ်ပါသလားလို့ မေးတဲ့အခါမှာတော့ …
“ဒီကေဘီအေရယ်လို့ ပစ်မှတ်ထားပြီး တိုက်တဲ့အနေအထားတော့ မဟုတ်ပါဘူး။ အဲဒီခွင်မှာရှိတဲ့ ကျနော်တို့နဲ့ ထိပ်တိုက်တိုးလာလို့ တိုက်တာဖြစ်တယ်။ ဒီကေဘီအေလို့ဆိုပြီး တိုက်တာတော့မဟုတ်ဘူး။ ကျနော်တို့ကို နယ်မြေစိုးမိုးရေး၊ နယ်မြေသိမ်းပိုက်
ရေးနဲ့ အာရှလမ်းမကြီး ဖောက်လုပ်ရေးအတွက် သူတို့တွေက ဒီနယ်မြေကို မရရအောင် ရှင်းမယ်ဆိုပြီး ဒီကေဘီအေတပ်တွေရော၊ နအဖတပ်တွေရော သူတို့က အဲလို လုပ်နေတဲ့သဘောရှိတယ်။
“ကျနော်တို့တိုက်တာကတော့ ကျနော်တို့ဆီကိုတက်လာတဲ့ ရန်သူကို တိုက်တာပဲ။ အဲဒါက နအဖလား၊ ဒီကေဘီအေလား၊ ဒါမှမဟုတ် နအဖက အသုံးချနေတဲ့ တခြားတခြားသော လက်နက်ကိုင်ငြိမ်းချမ်းရေးတပ်ဖွဲ့တွေလား၊ ဒါတော့မပြောတတ်ဘူး။ ဒါပေမယ့် ဒီကေဘီအေမို့လို့ ခွဲခြားပြီးတိုက်တာတော့ မဟုတ်ဘူး”
ဇန်န၀ါရီလအတွင်းမှာလည်း ခြောက်ကြိမ်ထက်မနည်း တိုက်ပွဲဖြစ်ခဲ့ပြီး ဒီတလ နှစ်လအတွင်းမှာ တိုက်ပွဲပေါင်း သုံးဆယ်ကျော်ဖြစ်ခဲ့ပြီလို့ ကေအဲန်ယူဘက်က ပြောပါတယ်။ ဒီတိုက်ပွဲတွေဟာ များသောအားဖြင့် ဒီကေဘီအေနဲ့သာ တိုက်ခိုက်တာဖြစ်တယ်လို့ သတင်းတွေထွက်နေတာကြောင့် စစ်အစိုးရတပ်တွေနဲ့ဖြစ်တဲ့ တိုက်ပွဲတွေလည်း ရှိတဲ့အကြောင်း ကေအဲန်ယူဘက်က ပြောပါတယ်။
“၁၇ ရက်နေ့ကတိုက်ပွဲဆိုရင် နအဖ ခလရ ၉၃ နဲ့ဖြစ်တဲ့တိုက်ပွဲဖြစ်တယ်။ ဥပမာ ၁၂ ရက်နေ့မှာဆိုရင် ခမရ ၃၈ နဲ့ဖြစ်တဲ့တိုက်ပွဲဖြစ်တယ်။ ၁၅ ရက်နေ့မှာဆိုလည်း ခမရ ၄၀၆ နဲ့ဖြစ်တယ်။ ဒါကြောင့် ဒီကေဘီအေချည်းပဲ ဦးတည်တိုက်တယ်လို့တော့ ပြောလို့မရဘူး။ ဒီလအတွင်းမှာ ဒီကေဘီအေနဲ့ တွေ့တဲ့တိုက်ပွဲတွေမှာ ဇန်န၀ါရီလအတွင်းမှာ နအဖနဲ့တောင်မှ တွေ့တာများတယ်လို့ ပြောလို့ရသေးတယ်”
စစ်အစိုးရတပ်တွေအနေနဲ့ ကရင်လူမျိုးစုတွေ နေထိုင်ရာဒေသတွေမှာ ရွာတွေကိုမီးရှို့ခြင်း၊ ပေါ်တာဆွဲခြင်း၊ အဓမ္မလုပ်အားပေး ခိုင်းစေခြင်းတွေ ရှိနေတာကြောင့် အခုလိုမျိုး ကရင်ပြည်နယ် ကော့ကရိတ်၊ ကျုံဒိုး စတဲ့နေရာတွေမှာလည်း ကေအဲန်ယူဘက်က ပြန်လည်တိုက်ခိုက်နေတာဖြစ်ကြောင်းကိုလည်း ကေအဲန်ယူဘက်က ပြောပါတယ်။ ဒီသတင်းနဲ့ပတ်သက်ပြီး ဒီကေဘီအေ ကရင်ဗုဒ္ဓဘာသာတပ်ကိုတော့ဆက်သွယ်လို့မရခဲ့ပါဘူး။
