တိုင်းရင်းသားတဦးရေးစာ

သို့ ...

ညီကိုတို့

မတရားတဲ့ နအဖစစ်အစိုးရရဲ့ အုပ်ချုပ်မှုအောက်မှာ ကျနော်တို့ မြန်မာပြည်သူပြည်သားတိုင်း လွှတ်မြောက်နိုင်ဖို့ ညီညွတ်ကြပါလို့ ပြောချင်ပါတယ်။ တတိယနိုင်ငံကိုလှမ်းမဲ့ ခြေလှမ်းဟာ စစ်မြေတလင်းမှာ ပြန်လည်လှမ်းတဲ့ ခြေလှမ်းအဖြစ် ဖြစ်စေချင်ပါတယ်။ လေလွှင့်နေတဲ့ မြန်မာပြည်သားတိုင်းလဲ စစ်မြေတလင်းမှာ ပြန်လည်လှမ်းတဲ့ ခြေလှမ်းအဖြစ် ဖြစ်စေချင်ပါတယ်။ တိုင်းတပါး ကျွန်အဖြစ် အချိန်ကုန်မခံပါနဲ့ အားမနာတမ်း ပြောချင်ပါတယ်။

ကျနော်တို့မှာ နိုင်ငံရှိတယ်။ စစ်အာဏာရှင်စနစ်ကို ပြိုင်တူတော်လှန်ဖြိုဖျက်ပြီး ဒီမိုကရေစီစနစ်အဖြစ် ပြောင်းလဲဖို့ ညီကိုတို့ ညီညွတ်စေချင်ပါတယ်။ စစ်အာဏာရှင်ရဲ့ အုပ်ချုပ်မှုအောက်မှာ ညီကိုတို့ ကျနော်တို့ ဘယ်လိုခံနေရသလဲဆိုတာ သိကြမှာပါ။ ဘ၀လုံခြုံမှု၊ အိုးအိမ်ခံစားမှု၊ လူ့အခွင့်အရေး၊ လူသားတယောက်ရဲ့ ရရှိရမယ့်ကိုယ်ပိုင်အခွင့်အရေးနှင့် တရားဥပဒေစိုးမိုးရေး စသည်ဖြင့် အဖက်ဖက်မှ ရှုံးဆုံးနေတဲ့ အခွင့်အရေးတွေကို တယောက်ချင်းရဲ့အသိစိတ်ဓာတ်နဲ့ ပြန်လည်ရယူကြပါ။

စစ်အာဏာရှင်ရဲ့အုပ်ချုပ်အောက် နေရတဲ့ဘ၀ဟာ စိတ်နာလိုက်ပါ။ ကိုယ်ခံနေရ၊ ခါးသီးစွာကြုံတွေ့နေရတဲ့ အတွေ့အကြုံတွေကို စိတ်နာလိုက်ပါ။ ရှောင်ထွက်မနေပါနဲ့လို့ ပြောချင်ပါတယ်။ အဲဒီဘ၀ကို စိတ်နာပြီး ကိုယ့်ကိုယ်ပိုင်အခွင့်အရေးကို ပြန်လည်တိုက်ယူကြပါ။ မြို့လယ်ကောင်မှာ နေ့ခင်းကြောင်တောင် ကျောင်းသားပြည်သူ၊ ရဟန်းရှင်လူတောင်မှ သတ်ရဲတယ်ဆိုတော့ မီဒီယာမသိ၊ နိုင်ငံတကာမသိ တိုင်းရင်းသားနယ်မြေတွေမှာ နအဖစစ်တပ်က ဘယ်လောက်ထင်တိုင်းကျဲနေမယ်ဆိုတာ အသေးစိတ် မဖော်ပြတော့ပါဘူး။ စဉ်းစားကြည့်ရင် ညီကိုတို့ သိပါတယ်။

- နအဖစစ်အာဏာရှင်ဟာ နိုင်ငံတကာရဲ့ ၀င်ရောက်ပြောဆိုလုပ်ကိုင်နိုင်ခွင့်ကို ကောင်းကောင်းသိပါတယ်။ ဒါဟာ သူတို့ ဂရုမစိုက်ပါဘူး။

- နအဖစစ်အာဏာရှင်ဟာ ဒီမိုကရေစီအတိုက်အခံအင်အားစုတွေရဲ့ တောင်းဆိုမှုတွေကိုလဲ ဂရုမစိုက်ဘူးဆိုတာလဲ ဗြောင်ဗြောင်ကြီး တွေ့နေရပါပြီး။

- နအဖစစ်အာဏာရှင်ဟာ သူတို့တပ်ကို သူတို့ ထိန်းထားနိုင်သ၍တော့ ထိန်းထားအုံးမှာ ဖြစ်ပါတယ်။

- နအဖစစ်အာဏာရှင်ဟာ ပြည်သူလူထုက ခွင့်မလွတ်နိုင်တဲ့ အမှားတွေ အများကြီးလုပ်ခဲ့တယ်။ ဒါကြောင့် နိုင်ငံတကာ၊ ဒီမိုကရေစီအတိုက်အခံအင်အားစုတွေရဲ့ ပြောဆိုမှု၊ တောင်းဆိုမှုလုပ်ရုံနဲ့ ပြည်သူကို အာဏာလွဲပေးမှာမဟုတ်ပါဘူး။

- နအဖစစ်အာဏာရှင်ဟာ နိုင်ငံတကာ၊ ဒီမိုကရေစီအတိုက်အခံအင်အားစုတွေရဲ့ ပြောဆိုမှု၊ တောင်းဆိုမှုလုပ်ရုံနဲ့ ပြည်သူကို အလွယ်လေး အာဏာလွဲပေးမယ်ဆိုရင် သူတို့ရဲ့အမှားတွေအတွက် ပြန်လည်ခံနေရမယ်ဆိုတော့ နအဖစစ်အာဏာရှင်ဗိုလ်ချုပ်တွေက ကောင်းကောင်းသိပါတယ်။

ဒါကြောင့်မို့လို့....လူဆိုတာ ...
ဆင်းရဲတဲ့လူဖြစ်စေ၊ ချမ်းသာတဲ့လူဖြစ်စေ၊
အာဏာမဲ့သူဖြစ်စေ၊ အာဏာရှိသူဖြစ်စေ၊
သေမှာကို ကြောက်တဲ့လူတွေပါပဲ။

ပြောလို့၊ ဆိုလို့ မရတဲ့ နအဖစစ်အာဏာရှင်ကို ဘာနဲ့လုပ်ရင်ရနိုင်သလဲဆိုတာ ညီကိုတို့ သိမှာပါ။ အဓိကအချက်ကတော့ မြန်မာပြည်ဒီမိုကရေစီရရှိဖို့အတွက် ဦးတည်ချက်တခုနဲ့ အလံတခုပဲထောင်ဖို့ အရေးကြီးပါတယ်။


တောတောင်ထဲက တိုင်းရင်းသားတယောက်ပါ။ ဗမာ့စာကောင်းကောင်းမရေးတတ်လို့ အမှားများပါရင်လဲ
ခွင့်လွှတ်နားလည်ပေးပါ။

By YNO

နွားကို အတောင်တပ်ပေးရုံနဲ့ ငှက် မဖြစ်နိုင်ပါ

ကိုထိုက်ဘလော့ဂ်မှ (စာရေးသူ - မင်းသန့်)

အာဏာရှင် စနစ်ကို အသက်သွင်းပေးမယ့် နအဖ ဖွဲ့စည်းပုံ အခြေခံ ဥပဒေကို “စည်းကမ်း ကျနသော ဒီမိုကရေစီ” လို့ နာမည်တပ်ရုံနဲ့ ဒီမိုကရေစီဖြစ်မလာပါ။

ဒီနေ့ အခု အချိန် အထိ ထောက်ခံပွဲ လုပ်ပါမယ် ဆိုတာပြောနေသော ကိစ္စမှာ မြန်မာ ပြည်သူတွေက တိုင်းပြည်ရှေ့ရေးအတွက် (သို့) မိမိတို့ ရှေ့ရေးအတွက် ဘာတွေရေးထားမှန်း မသိသော စာအုပ်ထဲက အခြေခံ ဥပဒေဆိုတဲ့ စာသားတွေကို ထောက်ခံရမယ်ဆိုတာတော့ နအဖက အတော့်ကို တရားလွန်နေပါပြီ။ ပြည်သူကို စော်ကားနေပါတယ်။

ဘာတွေ ရေးထားမှန်း မသိရတဲ့ စာအုပ်ထဲက အခြေခံ မူတွေကို ထောက်ခံလိုက်တာနဲ့ ဒီမိုကရေစီနဲ့ လူ့ အခွင့်အရေးကို ရရောလားဗျာ။ နွားကို အတောင်ပံ တပ်ပေးလိုက်တာနဲ့ ငှက် မဖြစ်နိုင်တာ အားလုံး သိပါတယ်။

ဒီတော့ အားလည်းနာ ပါတယ်။ ပူးသတ်မယ် ပြောတဲ့ ဆရာသမားတွေ၊ ရတဲ့နေရကနေ စလုပ်ပြီး ဘာမှ မရတာထက်စာရင် နည်းနည်းခြင်း လုပ်ရမယ် ဆိုတဲ့ ဆရာသမားတွေ နအဖရဲ့ အခြေခံ ဥပဒေမှာ ဘာတွေရေးထားလို့ အခုလို ပူးသတ် (သို့) ရတဲ့နေရာကနေ ရသလောက်ယူဆိုတဲ့ အယူဝါဒတွေ ပြောနေကြတာလဲ ဆိုတာ မေးကြည့်ပါရစေ။ ဘယ်လောက်များ တိတိကျကျ လေ့လာထားလို့ အခုလို ကြိုတင်ပြီး ထောက်ခံပါလို့ ပြောနေကြရတာလဲ။

အခြေခံမှု ၁၀၄ ချက်နဲ့တင် တော်တော်လေးကို အဓိပ္ပါယ် မရှိတာတွေ ပါနေတာ အားလုံးက အသိကို၊ ကိုယ့် ဆရာသမားတွေရယ် ကြည့်လည်းလုပ်ကြပါဦး။ နွားကို အတောင် တပ်ပြထားတာကို ဆရာသမားတွေက ငှက်လို့ နာမည် တပ်ခေါ်နေကြတာပါ။

အခုရေးဆွဲတဲ့ အခြေခံဥပဒေကို ဘယ်အချိန်မှာမှ ပြောင်းလဲခွင့် ရှိသလဲ၊ ဘယ်လို ပုံစံနဲ့မှ ပြောင်းလို့ ရနိုင်သလဲဆိုတာ ဆရာသမားတွေ လေ့လာပြီး ဖြစ်လောက်မှာပါ။ အိပ်ချင်ယောင် ဆောင်နေတဲ့ လူကို နှိုးရမခက်ချင်ပါဘူး။ နွားလား၊ ငှက်လားဆိုတာ အနီးကပ် လေ့လာနေပါတယ် ဆိုတဲ့ ဆရာသမားတွေက မျက်မမြင် ပုဏ္ဏား (၆) ထက် သာမယ်ဆိုတာတော့ ယုံကြည်နေပါတယ်။

မင်းသန့်

ကျနော့် ရင်ထဲကအယူအဆအတိုင်း ဆွေးနွေးခွင့်ပြုပါ

စာရေးသူ - ကိုစံ

ကျနော့်အနေနဲ့ ဒီစစ်အစိုးရရဲ့ မည်သည့်လုပ်ရပ်ကိုမျှ အယုံအကြည်မရှိပါ၊ သူတို့၏လုပ်ရပ်တိုင်းသည် သူတို့အတွက်သာဖြစ်ပါသည်။ ထိုအချက်ကို ကျနော်တို့ တမျိုးသားလုံး၏ သွေးများဖြင့်ရင်းခဲ့ရသည့် သာဓကများကို ပြန်ကြည့်လျင်သိနိုင်ပါသည်။

ထို့ကြောင့် ယခုသူတို့ပြုလုပ်မည်ဟု ကြွေးကြော်ထားသော ပထမခြေလှမ်း ဆန္ဒခံယူပွဲအား မည်သည့်နည်းနှင့်မျှ အကောင်အထည်ဖော်ခွင့်မရအောင် တမျိုးသားလုံး အင်တိုက်အားတိုက် ကန့်ကွက်ကြရပါမည်။ အကယ်၍ အကောင်အထည်ဖော်ခွင့်ရသွားပါက စစ်အစိုးရအနေဖြင့် နည်းပေါင်းစုံသုံး၍ သူတို့အလိုအတိုင်း မဖြစ် ဖြစ်အောင် လုပ်သွားမည်ဖြစ်ပါသည်။

မသမာမှုကို ကမ္ဘာတဝှမ်းသိမည်ကနောက်မှ၊ သူတို့၏ လမ်းပြမြေပုံကို အောင်မြင်အောင် ဆောင်ရွက်နေသည်ဆိုသော ပြယုဂ်က အရင်ပေါ်ထွက်သွားမည် ဖြစ်ပါသည်။ ကျနော်တို့၏ ကန့်ကွက်မဲဆန္ဒများသည် သူတို့၏ အဖြေတွင် ထောက်ခံမဲများဖြစ်သွားမည်ဆိုသည်ကို စစ်အစိုးရ၏ ဂုဏ်သိက္ခာမရှိသော အရှက်မရှိသော လုပ်ရပ်ပေါင်းများစွာက ယုံမှားသံသယဖြစ်ဖွယ်မရှိအောင် ညွှန်ပြနေပါသည်။

နိုင်ငံတကာနဲ့ တမျိုးသားလုံးက တောင်းဆိုနေသော တွေ့ဆုံဆွေးနွေးရေးဆိုသည့် စကားသည် အဲဒီပွဲနှင့် အပြီးတိုင် ခြေမှုန်းခံလိုက်ရမည်ဖြစ်ပါသည်။ ရွေးစရာလမ်းလည်း ရှိမည်မဟုတ်တော့ပါ၊ ကုလလည်း ဘာမှပြောနိုင်တော့မည် မဟုတ်ပါ။ အာဆီယံကလည်း အကောင်းဆုံးဖြစ်အောင် ဆက်လုပ်ပါလို့သာ ပြောနိုင်တော့မည်ဖြစ်ပါသည်။

ထိုသို့လျင် ဒုတိယခြေလှမ်းဖြစ်သည့် ရွေးကောက်ပွဲကို ခပ်တည်တည်နှင့်ပင် ပြုလုပ်သွားတော့မည် ဖြစ်ပါသည်။
အဲဒီ ပထမခြေလှမ်းဖြစ်သည့် အခြေခံဥပဒေ ထောက်ခံခြင်းဆိုသည့် အဖြေတစ်ခုသည် စစ်အစိုးရအတွက် အရေးအကြီးဆုံးသော ခြေလှမ်းပင်ဖြစ်ပါသည်။ ယင်းခြေလှမ်းဖြင့် အရာရာကို နင်းခြေအနိုင်ယူပြီး၊ ရလဒ်ကို အသေဆုပ်ကိုင်ထားမည် ဖြစ်ပါသည်။ မသမာမှုပေါင်းစုံဖြင့် ပြီးပြည့်စုံနေသော စစ်အစိုးရ၏ အခြေခံဥပဒေသစ်သည် တမျိုးသားလုံးနလန်မထူ လူညွန့်တုံးမည်ဖြစ်သည်ကို အားလုံးသော ပြည်သူပြည်သားအပေါင်းက မမှိတ်မသုန်ယုံကြည်ပြီးသားဖြစ်ပါသည်။

ကျနော်တို့ကမည်မျှပင် ကန့်ကွက်မဲတွေထည့်ထည့်၊ လက်မခံပါဘူး ဘယ်လောက်ပင်အော်အော်၊ အဲဒီဆန္ဒခံယူပွဲ
ကျင်းပခွင့်ရသွားလျှင်ပင် စစ်အစိုးရအတွက် လက်ခမောင်းခပ်ခွင့် ရသွားပြီဖြစ်ပါသည်။ ဟိုလူက အရည်အချင်းမမှီလို့ ဒီလူက တရားမဝင်လို့ဆိုသော အခြေခံဥပဒေသစ်တွင် ပါဝင်သော အချက်များကို ထောက်ပြကာ ထောက်ပြကာဖြင့် ကိုယ့်လူ သူ့ဘက်သားများဖြင့် အဖြေရှိပြီးသားရွေးကောက်ပွဲကြီးအား ကုလသမဂ္ဂ၏ ကြီးကြပ်မှုဖြင့်ပင် မြိုင်မြိုင်ကြီးလုပ်ပြကောင်း လုပ်ပြပေလိမ့်ပါအုံးမည်။

ထို့ကြောင့် တမျိုးသားလုံးအနေနှင့် ကမ္ဘာ့အလည်မှာ ကျနော်/ကျမဟာဖြင့် မြန်မာပါလို့ ပြောရဲချင်သေးတယ် ဆိုရင်တော့ အဆိုပါ "အခြေခံဥပဒေသစ်" အတွက်ပြုလုပ်မည့်ပွဲအား မပျက်ပျက်အောင် ဖျက်ရမည်ဖြစ်ပါသည်။

(ကျနော်၏ အဆိုပြုချက်အား လက်ခံသူများရှိပါက စုစည်းညီညွတ်စွာဖြင့် လျှို့ဝှက်အဖွဲ့များဖွဲ့၍ တောရောမြို့ပါမကျန် လူထုလူတန်းစားအသီးသီးသို့ ထိုအသိတရားများ စိမ့်ဝင်အောင်စည်းရုံးကြရပါမည်။)

ဒီပွဲဖြစ်သွားပါက ......

- လယ်သမားလူတန်းစားလည်း ဘယ်တော့မှ လယ်မပိုင်သော လယ်သမားများဆက်ဖြစ်နေမည့်အကြောင်း။
- အလုပ်သမား လူတန်းစားသည်လည်း နံနက်စာနှင့် ညစာအလျှင်မမှီသောဘဝများ၊ အပေါင်ဆိုင်နှင့် မိတ်ဆက်
နေရသောဘ၀များမှလွတ်နိုင်တော့မည်မဟုတ်ကြောင်း။
- အခြေခံဝန်ထမ်းများကြားတွင်လည်း သမာအာဇီဝကျကျနှင့် ခိုင်မာသော ဘ၀အာမခံချက်များပေးနိုင်မည့်
ဘ၀များဘယ်တော့မှရတော့မည်မဟုတ်ပဲ ဒုက္ခသံသရာတောမှလွတ်ကင်းနိုင်တော့မည်မဟုတ်ကြောင်း။
-ပညာတတ် လူတန်းစားများကြားတွင်လည်း မျိုးဆက်သစ်များ နလန်မထူနိုင်တော့သည့် ဘဝဆိုးကြီးသို့ ဆိုက်ဆိုက် မြိုက်မြိုက်ရောက်သွားပြီး (၅)ပါးသီလမလုံသော အလုပ်အကိုင်များဖြင့် ရှင်သန် အသက်မွေးရတော့မည် ဖြစ်ကြောင်း။
- ကုန်သည်ပွဲစားများကြားတွင်လည်း မခိုင်မာသောစီးပွားရေးစနစ်ဆိုးကြောင့် မည်သည့်စီးပွားရေးလုပ်ငန်းနှင့်မျှ
ကောင်းရောင်းကောင်းဝယ်မလုပ်စားနိုင်တော့မည့်အပြင် စိတ်ချလက်ချအိပ်မရနိုင်သော သောက၀န်ထမ်းများ
အဖြစ်အသက်တို၊ အဆင်းမလှဖြစ်ရတော့မည့်အကြောင်း။
- အရာခံ၊ အကြပ်၊ စစ်သည် (အခြားအဆင့်)များကြားတွင်လည်း လူဝတ်လဲမည့် စစ်အစိုးရသည် လူဝတ်ဖြင့် လှည့်ခိုး၊ လှည့်ဆိုးအုံးမည်ဖြစ်သဖြင့် စစ်တပ်ရိက္ခာအား ယခုရှိရင်းစွဲ လောက်ပင်မထောက်ပံ့နိုင်တော့မည့် အကြောင်း၊ ထို့ပြင် လက်နက်ကိုင် အဖွဲ့အစည်းအသီးသီးသည်လည်း တောပြန်ဝင်၍ တော်လှန်ကြအုံးမည်ဖြစ်သဖြင့်၊ တိုက်ပွဲကြီးငယ်များ အများအပြားပေါ်ပေါက်ပြီး အသက်ခန္ဓာတည်မြဲမှုမှာ အာမ မခံနိုင်တော့ကြောင်း။
- နိဂုံးချုပ်အားဖြင့် ဒီနိုင်ငံမကောင်းရင် ဒီပြင့်နိုင်ငံပြောင်းနေမည်ဟု စိတ်ကူးထားသူများအား အာမခံချက်မရှိသော နိုင်ငံမှလာသူ (တနည်းအားဖြင့်) “မြန်မာ” ဟုဆိုလိုက်လျှင် နှာခေါင်းရှုံ၍ အဆင့်အတန်းခွဲခြားမည် ကိုခံရမည်ဖြစ်ကြောင်း၊ ထဲထဲဝင်ဝင်ရှင်းပြပြီး၊ ယခုကျင်းပမည့်ပွဲများအား နည်းမျိုးစုံဖြင့်တိုက်ဖျက်သွားရန် လှုံဆော်စည်းရုံးကြရပါမည်။

ကျနော်တို့တွင်အချိန်မရှိတော့ပါ အလျှင်အမြန်လှုပ်ရှားကြရပါတော့မည်။

ကျနော်၏ ဆွေးနွေးချက်များသည် အမှန်ဆုံးဟုမဆိုလိုပါ၊ အားလုံး၏ ဖြစ်နိုင်ခြေရှိသော ဆွေးနွေးချက်များကိုလည်း ကျနော် သိလို၊ ကြားလို၊ လက်ခံလိုပါသည်။

ကိုစံ

ဖဒိုမန်းရှာကို လုပ်ကြံရာတွင် သုံးသည့်ကား ထိုင်းရဲများက ဖမ်းမိ

Mizzima newsမှ ကူးယူဖော်ပြသည်။

ချင်းမိုင်။ ။ ဖဒိုမန်းရှာအား လုပ်ကြံခဲ့သော လူသတ်သမားများ အသုံးပြုခဲ့သည့် ကားကို ယနေ့နေ့လည် ၃ နာရီခန့်တွင် မဲဆောက်မြို့ အနောက်ဘက်၊ ကီလိုမီတာ ၄ဝ အကွာရှိ၊ ဝမ်းခကျေးရွာ အနီးတွင် ထိုင်းရဲများက ဖမ်းဆီးရမိလိုက်ပြီး ယခုအခါ မဲဆောက်မြို့ ရဲစခန်းတွင် ထိန်းသိမ်းထားသည်။

အနက်ရောင်၊ ဖိုးဝှီး အမျိုးအစား (ကားနံပါတ်- ၄၂၅) ဖြစ်ပြီး ကားတွင်း၌ အမျိုးသမီးစီး ဖိနပ် ၂ ရံနှင့် လက်ကိုင်အိတ် တခုကို တွေ့ရပြီး မှန်တံခါးတွင် သွေးစွန်းနေသည်ဟု မဇ္ဈိမ ဓာတ်ပုံ သတင်းထောက် ကိုအောင်တင်က ပြောသည်။

လူသတ်သမားများမှ ကားကို ပစ်ထားခဲ့သော နေရာသည် ထိုင်းဘက်အခြမ်းဖြစ်ပြီး ဒီကေဘီအေ တပ်များ ထိန်းချုပ်နယ်မြေနှင့် သောင်းရင်းမြစ် ခြားသည်ဟု သိရသည်။

ကားသည် ဘန်ကောက်လိုင်စင် ဖြစ်ပြီး ပိုင်ရှင်မှာ မဲဆောက်မြို့၊ မယ်ပအရပ်တွင် နေထိုင်သော ထိုင်းလူမျိုးတဦးဟု သိရပြီး ပိုင်ရှင်ကိုမူ ထိုင်းရဲများက ခေါ်ယူ စစ်ဆေးနေသည်ဟု သိရသည်။

လောလောဆယ်တွင် ရဲက ကားတွင်းမှ လက်ဗွေရာများကို စစ်ဆေးနေဆဲ ဖြစ်ပြီး အသေးစိတ် အချက်အလက်များကို မသိရသေးပါ။

ဖဒိုမန်းရှာ လုပ်ကြံခံရ၊ သေဆုံး

Mizzima news မှ ကူးယူဖော်ပြသည်။

လွှင့်တင်ချိန်။ ။ဖေဖော်ဝါရီ ၁၄ ရက်၊ ၂၀၀၈ ခုနှစ် ၁၇:၀၀ - မြန်မာစံတော်ချိန်

ကရင်အမျိုးသား အစည်းအရုံး၏ အထွေထွေ အတွင်းရေးမှုး ဖဒိုမန်းရှာသည် အမည်မသိ လက်နက်ကိုင် ၂ ဦးက သေနတ်ဖြင့် ပစ်သတ် လုပ်ကြံခံရသဖြင့် ယနေ့ မွန်းလွဲတွင် သေဆုံးသွားခဲ့သည်။

ထိုင်းနိုင်ငံ နယ်စပ်မြို့ မဲဆောက်နေအိမ်တွင် ထိုင်နေစဉ် ကားဖြင့် ရောက်လာသော သေနတ်သမား နှစ်ယောက်က ပစ်သတ်ခဲ့ခြင်း ဖြစ်သည်ဟု မဲဆောက်နေသူများ၏ အပြောအရ သိရသည်။

ထပ်မံလွှင့်တင်ချိန်။ ။ဖေဖော်ဝါရီ ၁၄ ရက်၊ ၂၀၀၈ ခုနှစ် ၁၇:၁၅ - မြန်မာစံတော်ချိန်

“သေနတ်တချက် ပစ်တယ်။ နောက်နှစ်ချက် ဆက်တိုက် ပစ်တယ်။” ဟု ဖဒိုမန်းရှာ အိမ်နဘေးတွင် နေထိုင်သူ တဦးက ပြောသည်။

ကရင်အမျိုးသားခေါင်းဆောင်သည် ထိုင်းစံတော်ချိန် မွန်းလွဲ ၄ နာရီ ၂ဝ ခန့်တွင် နေအိမ် အပေါ်ထပ်တွင် စာဖတ်နေစဉ် ကားဖြင့် ရောက်လာသော သေနတ်သမားများက အပေါ်ထပ် တက်လာပြီး သေနတ်ဖြင့် ပစ်သွားခြင်း ဖြစ်သည်။

သေနတ် ၃ ချက် ပစ်ခတ်ခဲ့ပြီး ရင်ဘတ်ကို ထိမှန်ကာ ပွဲချင်းပြီး သေဆုံးသွားခြင်း ဖြစ်သည်။

ပစ်ခတ်ပြီးနောက် သေနတ်သမားများက မြို့ထဲဘက်သို့ ကားမောင်း ထွက်ပြေးသွားသည်ဟု မျက်မြင် သက်သေများက ပြောသည်။

ပုံမှန်အတိုင်း အစောင့်အကြပ် ထားရှိခြင်း မရှိသော နေအိမ်တွင် အောက်ထပ်တွင်သာ ရုံးဝန်ထမ်း ၂ ယောက်သာရှိရာ အလွယ်တကူ ဝင်ပစ်သွားခြင်း ဖြစ်သည်။

ထပ်မံလွှင့်တင်ချိန်။ ။ဖေဖော်ဝါရီ ၁၄ ရက်၊ ၂၀၀၈ ခုနှစ် ၁၇:၃၀ - မြန်မာစံတော်ချိန်

ဖဒိုမန်းရှာ၏ ရုပ်ကလပ်ကို နေအ်ိမ်တွင်ပင် ထားရှိသည်။ ဒီမိုကရေစီ လိုလားသူ မဟာမိတ် အဖွဲ့အစည်းများ အားလုံး ယူကြုံးမရ ဖြစ်နေကြောင်း ပြောဆိုကြသည်။

ဖိုးဝှီးကား အမဲရောင် နံပါတ် ၄၂၅ ဖြင့် ရောက်လာသော သေနတ်သမား ၂ ယောက်အနက် တဦးက အိမ်ပေါ် အရင်တက်လာပြီး ကျန်တဦးက ကရင်ဘာသာဖြင့် နေကောင်းလားဟူ၍ အဓိပ္ပါယ်ရသော နှုတ်ခွန်းဆက်စကား ပြောပြီးနောက် သေနတ်ဖြင့် ပစ်ခြင်း ဖြစ်သည်ဟု သိရသည်။ နောက်ကျ တက်လိုက်လာသော သေနတ်သမားကလည်း ပစ်ခတ်သွားခဲ့သည်ဟု ယုံကြည်ရသည်။

၉ မမ ကျည်ဖူးတခုကို ယခုအချိန်တွင် တွေ့ရှိထားပြီး ထိုင်းရဲက စုံစမ်း စစ်ဆေးမှု ဆက်လက် ပြုလုပ်လျှက် ရှိသည်ဟု အခင်းဖြစ်ပွားရာ နေအိမ်သို့ ရောက်ရှိနေပြီ ဖြစ်သော မဇ္ဈိမ ဓာတ်ပုံ သတင်းထောက်က ကိုအောင်တင်က ပြောသည်။

သေနတ်သမားများမှာ အရပ် ၅ ပေ ၅ လက္မခန့် ရှိသည်ဟု မျက်မြင်သက်သေ တဦးက ပြောသည်။

ထပ်မံလွှင့်တင်ချိန်။ ။ဖေဖော်ဝါရီ ၁၄ ရက်၊ ၂၀၀၈ ခုနှစ် ၁၇:၄၅ - မြန်မာစံတော်ချိန်

သေနတ်သမားတယောက်၏ ယာဘက် လက်ဖျံတွင် နဂါးရုပ် ဆေးမှင်ကြောင် ထိုးထားသည်ကို တွေ့မြင်ရသည်ဟု မျက်မြင်တဦးက ပြောသည်။ သေနတ်သမားများမှာ အသက် ၃ဝ ကျော်အရွယ် ရှိသည်ဟု ဆိုသည်။

တဦးနှင့်တဦး ၁ဝ ပေကျော် အကွာခန့် တတ်လာသော သေနတ်သမားများက စကောကရင် ဘာသာစကားဖြင့် နှုတ်ဆက်ခဲ့ခြင်း ဖြစ်သည်ဟု သိရသည်။

သေနတ်သံ ကြား၍ အပြေး ထွက်လာသော နေအိမ်အောက်ထပ် (မြေညီထပ်)မှ ကရင့်အမျိုးသား အစည်းအရုံး ရုံးဝန်ထမ်း ၂ ယောက်အား ဖဒိုမန်းရှာကို ပစ်ခတ်မှု ပြုပြီးနောက် ပြန်ဆင်းလာသော သေနတ်သမား နှစ်ယောက်အနက် တဦးက သေနတ်တချက် ပစ်ခတ်ခဲ့သေးသော်လည်း ထိမှန်ခြင်း မရှိပါ။

--------------------------------------------------------

မဇ္ဈိမက ဖေဖော်ဝါရီ ၁၂ ရက်နေ့ ပြည်ထောင်စုနေ့က ဖဒိုမန်းရှာကို ဆက်သွယ် မေးမြန်းခဲ့သော နောက်ဆုံး အင်တာဗျူးကို ပြန်လည် ဖော်ပြလိုက်ပါသည်။

မေး။ ။ စစ်အစိုးရရဲ့ စနေနေ့က ကြေညာချက်ဟာ မြန်မာပြည်မှာ ဒီမိုကရေစီ လမ်းကြောင်းကို တကယ်ပဲ ဦးတည်တာလား။
ဖြေ။ ။ ဒါဟာ ဒီမိုကရေစီကို ဦးတည်တာ မဟုတ်ဘူး၊ အာဏာရှင်စနစ် ခိုင်မြဲရေးကို ဦးတည်နေတာ။

မေး။ ။ အခုလို့အချိန်မှာ၊ အားလုံး မမျှော်လင့်တဲ့အချိန်မှာ ကောက်ကာငင်ကာ ကြေညာလိုက်တာ ဘာကြောင်လို့ ထင်လဲ။
ဖြေ။ ။ စက်တင်ဘာလ တော်လှန်ရေးအပြီးမှာ နိုင်ငံတကာက ဖိအားက ပိုများလာတယ်။ ပြည်တွင်းမှာလည်း သူကို သိပ်မခံမရပ်နိုင်တော့ဘူး ဆိုတဲ့အချက်က ထင်ရှားလာတယ်။ အဲဒီအပေါ်မှာ အခြေခံပြီးတော့ ယူအမ်ရဲ့  ပါဝင်မှု၊ အဲဒီအပေါ်မှာ သူတို့သွားနေတဲ့ ရုတ်မက်ပ်ဟာ နိုင်ငံခြားကနေ ဖိအားတွေ မြင့်လာရင်၊ ဝင်လာရင် အတားအဆီး ဖြစ်မှာစိုးတယ်။ နိုဝင်ဘာလ (၁၆) ရက်နေ့က သူတို့ သတင်းစာ ရှင်းလင်းပွဲမှာ ဒါကိစ္စက ရှင်းတယ်။ နိုင်ငံတကာကနေပြီးတော့ သူတို့ရဲ့ ရုတ်မက်ပ်ကို ဝင်ပြီးနှောက်ယှက်တာကို သူတို့ လက်မခံဘူး။ အဲဒီတော့ သူတို့က သူတို့လမ်းကြောင်းကို သွားတော့မယ်လို့ ပြောလိုက်တာ ဖြစ်တယ်။ ယူအမ်ရဲ့ ပါတီစီပေးရှင်းကို လက်မခံဘူး။ နိုင်ငံတကာက ဖိအားပေးတာကိုလည်း လုံးဝ လက်မခံဘူး။

မေး။ ။ သူတို့က တကယ်ပဲ ၂ဝ၁ဝမှာ ရွေးကောက်ပွဲ လုပ်သွားနိုင်သလား ခင်ဗျ။
ဖြေ။ ။ ရွေးကောက်ပွဲက လုပ်ချင်တိုင်း လုပ်လို့ မရဘူးဗျ။ အရင်တုန်းက ၁/၉ဝ ထုတ်ထားတာ ရှိတယ်။ အဲဒါကို ဘယ်လို ကိုင်တွယ်မလဲဆိုတာ သူတို့ကို ဝိုင်းမေးရမယ်။ အဲဒါကို အကောင်အထည် မဖော်ဘဲနဲ့ သူဟာနဲ့သူ နောက်ထပ် ၂ဝ၁ဝခုနှစ်၊ ၂ဝ၂ဝ တို့ လုပ်ချင်ရာ လျှောက်လုပ်နေလို့ မဖြစ်ဘူး ထင်တယ်။

မေး။ ။ အရင်ကလည်း လူထုဆန္ဒ ခံယူပွဲတွေကို အကြပ်ကိုင်ပြီး လုပ်ခဲ့တာရှိတော့၊ အခုရော ဒါမျိုးလုပ်လို့ မရနိုင်ဘူးလား။
ဖြေ။ ။ သူတို့လုပ်လို့ ရနိုင်ပါတယ်။ မေလ ရွေးကောက်ပွဲမှာတုန်းက သူတို့ တွက်ခြေမကိုက်ဘူး။ မကိုက်တော့ မေလ ရွေးကောက်ပွဲ ရလဒ်ကို ဖျက်ဆီးဖို့္ဒNational Convention နဲ့ Roadmap ကို စဉ်းစားတာ ဖြစ်တယ်။ အဲလို ဖြစ်တဲ့အခါကျတော့ ဒီတချီမှာတော့ နိုင်လဲနိုင်၊ ရှုံးလည်းနိုင် သူတို့လုပ်မှာ ဖြစ်တယ်။ ဒါကြောင့်မို့ ဒီကိစ္စ္ဂအပေါ်မှာ ကျနော်တို့ သေသေချာချာ စဉ်းစားပြီးတော့မှ ခိုင်မာတဲ့ တုံ့ပြန်မှု၊ ပြတ်သားတဲ့ တုံ့ပြန်မှုတွေ ကျနော်တို့ လုပ်ဖို့ လိုတယ်။

မေး။ ။ ဘာတွေ ဖြစ်မလဲ ခင်ဗျ။
ဖြေ။ ။ လက်ရှိ သွားနေတဲ့ လမ်းကြောင်းကို ကျနော်တို့ လက်မခံနိုင်ဘူး။ လူထု လှုပ်ရှားမှုတွေ လုပ်ရမယ်ဆိုတဲ့ အချက်ဘက်က ရပ်တည်ပြီး လုပ်ရမှာ ဖြစ်တယ်။

မေး။ ။ လူထုက ဘာတာဝန်တွေ ရှိလာပြီးလဲ ခင်ဗျ။
ဖြေ။ ။ လူထုက အများကြီး လုပ်လို့ရတယ်။ သူတို့က Political Non-cooperation၊ နိုင်ငံရေးအရ ပူးပေါင်း ဆောင်ရွက်တာ မလုပ်ဖို့၊ စီးပွားရေးအရလည်း လုံးဝ ပူးပေါင်းဆောင်ရွက်တာ မလုပ်ဖို့၊ လူမှုရေးအရ လုံးဝ ပူးပေါင်းဆောင်ရွက်တာ မလုပ်ဖို့၊ အဲလို လက်တုံပြန်ရမယ်။ နိုင်ငံရေး တိုက်ပွဲတွေ၊ လူထု တိုက်ပွဲတွေ၊ လက်နက်ကိုင် တိုက်ပွဲတွေ၊ နိုင်ငံတကာက နေပြီးတော့ နိုင်ငံရေး တိုက်ပွဲတွေ၊ နိုင်ငံတကာ ဖိအားတွေ၊ ဒါတွေကို ကျနော်တို့ မြှင့်တင်ရမယ်။ မဟုတ်ရင် နအဖကဟာ သူတို့ နားလည်တဲ့ ဘာသာစကားနဲ့ သူတို့ကိုပြောမှ။ အရင်တုန်းကလို သူတို့က ချောမြူရေးဝါဒကို ကျင့်သုံးနေတာကြောင့် သူတို့ ဘယ်သူကိုမှ ဂရုစိုက်မှာ မဟုတ်ဘူး။

နအဖ ဥပဒေနဲ့ ရွေးကောက်ပွဲကို လက်မခံ (သဘောထားအမြင်)

မဇ္ဈိမသတင်းဌာန
Monday, 11 February 2008 18:41 - မြန်မာစံတော်ချိန်

ချင်းမိုင်။ ။ စစ်အစိုးရက အခြေခံ ဥပဒေမူကြမ်း ဆန္ဒခံယူပွဲကို မေလတွင် ပြုလုပ်မည်၊ ထိုမှ အခြေခံဥပဒေ အတည်ဖြစ်လာသောအခါ ရွေးကောက်ပွဲ တရပ်ကို ၂ဝ၁ဝ ခုနှစ်တွင် ကျင်းပမည်ဟု ကြေညာခဲ့ခြင်းအပေါ် သူတို့၏ သဘောထားအမြင်များကို တင်ပြလိုက်ပါသည်။
နည်းမျိုးစုံဖြင့် မဲလိမ်ပါလိမ့်မည်

မေလကုန်ရက်များအတွင်း ပြည်သူဆန္ဒခံယူပွဲ လုပ်နိုင်ပေမည်။ တရုတ်ပြည်တွင် အိုလံပစ်ပွဲ လုပ်နေသော အချိန်များအတွင်း မြန်မာနိုင်ငံတွင် တည်ငြိမ်စေလိုသော ဆန္ဒရှိဟန် တူပေသည်။ ပြည်သူ့ဆန္ဒ ခံယူပွဲတွင် “ကန့်ကွက်မဲ” မရနိုင်ဟု ယူဆထားဟန် ရှိသည်။ ကန့်ကွက်မဲများဖြင့် ပြည်သူလူထုက ပယ်ချလိုက်လျှင် ရုဒ်မက် ပျက်သွားမှာ ဖြစ်ရင် အစားထိုးမည့် နောက်အစီအစဉ် တခုမှာ ဒေါ်အောင်ဆန်းစုကြည်နှင့် တွေ့ဆုံ ဆွေးနွေးရေးကို ပြန်လည် အသက်သွင်းမှာ ဖြစ်သည်။ ထို့ကြောင့် ဆွေးနွေးပွဲ စထားဟန် တူပါသည်။ ရုဒ်မက်ပျက်သွားမှ အမျိုးသား ရင်ကြားစေ့ရေး ဆွေးနွေးညှိနှိုင်းပွဲ အမှန်တကယ် ဖြစ်ပေါ်လာနိုင်စရာ ရှိပါသည်။ ပြည်သူလူထု အနေဖြင့် ဆက်လက်စောင့်ရန် (သို့မဟုတ်) အခြေအနေကို လက်ခံရန် မလွယ်တော့မှန်း ဦးသန်းရွှေ သိရှိပြီး ဖြစ်သည်။ ယခု ဆန္ဒခံယူပွဲသည် ဆုံးဖြတ်ချက် အကြီးမားဆုံးတခု ဖြစ်သည်ဟု တပ်မတော် အစိုးရက ကြိတ်၍ လက်ခံထားပြီး ဖြစ်သည်။ အမျိုးစုံသော နည်းလမ်းဖြင့် လက်ခံအောင် ပြုလုပ်မည်သာ ဖြစ်သည်။ မဲလိမ်ခြင်း၊ ကန့်ကွက်မဲကို ထောက်ခံမဲ ဖြစ်အောင်လုပ်ခြင်းတို့ ဖြစ်ပေါ်နိုင်ပါသည်။

မောင်အောင်
ရန်ကုန်

-----------------------------------------------------
ဖဒိုမန်းရှာ (ကေအန်ယူ အထွေထွေအတွင်းရေးမှူး)

“ဒါဟာ ဒီမိုကရေစီကို ဦးတည်တာ မဟုတ်ဘူး၊ အာဏာရှင်စနစ် ခိုင်မြဲရေးကို ဦးတည်နေတာ”

“စက်တင်ဘာလ တော်လှန်ရေးအပြီးမှာ နိုင်ငံတကာက ဖိအားက ပိုများလာတယ်။ ပြည်တွင်းမှာလည်း သူ့ကို သိပ်မခံမရပ် နိုင်တော့ဘူး ဆိုတဲ့အချက်က ထင်ရှားလာတယ်။ အဲဒီအပေါ်မှာ အခြေခံပြီးတော့ ကုလသမဂ္ဂရဲ့ ပါဝင်မှု၊ အဲဒီအပေါ်မှာ သူတို့သွားနေတဲ့ Road Map ဟာ နိုင်ငံခြားကနေ ဖိအားတွေ မြင့်လာရင်၊ ဝင်လာရင် အတားအဆီးဖြစ်မှာ စိုးတယ်။ နိုဝင်ဘာလ ၁၆ ရက်နေ့က သူတို့ သတင်းစာ ရှင်းလင်းပွဲမှာ ဒီကိစ္စက ရှင်းတယ်။ နိုင်ငံတကာက နေပြီးတော့ သူတို့ရဲ့ Road Map ကို ဝင်ပြီး နှောင့်ယှက်တာကို သူတို့ လက်မခံဘူး။ အဲဒီတော့ သူတို့က သူတို့လမ်းကြောင်းကို သွားတော့မယ်လို့ ပြောလိုက်တာ ဖြစ်တယ်”

“ရွေးကောက်ပွဲက လုပ်ချင်တိုင်း လုပ်လို့ မရဘူးဗျ။ အရင်တုန်းက ၁/၉ဝ ထုတ်ထားတာ ရှိတယ်။ အဲဒါကို ဘယ်လို ကိုင်တွယ်မလဲဆိုတာ သူတို့ကို ဝိုင်းမေးရမယ်။ အဲဒါကို အကောင်အထည် မဖော်ဘဲနဲ့ သူဟာနဲ့သူ နောက်ထပ် ၂ဝ၁ဝ ခုနှစ်၊ ၂ဝ၂ဝ တို့ လုပ်ချင်ရာ လျှောက်လုပ်နေလို့ မဖြစ်ဘူး ထင်တယ်”

“မေလ ရွေးကောက်ပွဲမှာတုန်းက သူတို့ တွက်ခြေ မကိုက်ဘူး။ မကိုက်တော့ မေလ ရွေးကောက်ပွဲ ရလဒ်ကို ဖျက်ဆီးဖို့ National Convention နဲ့ Road Map ကို စဉ်းစားတာ ဖြစ်တယ်။ အဲလို ဖြစ်တဲ့အခါကျတော့ ဒီတချီမှာတော့ နိုင်လဲနိုင်၊ ရှုံးလည်းနိုင် သူတို့ လုပ်မှာဖြစ်တယ်။ ဒါကြောင့်မို့ ဒီကိစ္စ္ဂအပေါ်မှာ ကျနော်တို့ သေသေချာချာ စဉ်းစားပြီးတော့မှ ခိုင်မာတဲ့ တုံ့ပြန်မှု၊ ပြတ်သားတဲ့ တုံ့ပြန်မှုတွေ ကျနော်တို့ လုပ်ဖို့လိုတယ်”

-----------------------------------------------------
နန်းချန်တောင်း (Shan Women's Action Network)

“သိတဲ့အတိုင်းပဲ၊ မြန်မာပြည်သူတွေက နအဖ၊ ဒေါ်အောင်ဆန်းစုကြည်နဲ့ တိုင်းရင်းသား ခေါင်းဆောင်တွေ အကြား သုံးပွင့်ဆိုင် တွေ့ဆုံဆွေးနွေးရေး တောင်းဆိုနေတာ။ ဒါပေမဲ့ ဒီနေ့ထက်တိုင် ၁၉၉ဝ ခုနှစ် ရွေးကောက်ပွဲမှာ အရွေးခံရတဲ့ ဦးခွန်ထွန်းဦးနဲ့ တခြား ရှမ်းခေါင်းဆောင်တွေဟာ အဖမ်းခံထားရပြီး ဆေးဝါး ကုသပေးဖို့လည်း အငြင်းခံထားရတယ်။ ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားတွေကို ဖမ်းထားပြီး နိုင်ငံရေး အပြောင်းအလဲနဲ့ တွေ့ဆုံဆွေးနွေးရေး လုပ်ငန်းစဉ်တွေကို လုပ်နိုင်မှာတဲ့လဲ”

“မြန်မာပြည်သူတွေ လက်မခံသလို နိုင်ငံတကာကလည်း လက်ခံမှာ မဟုတ်ဘူး။ စစ်တပ်လုပ်နေတဲ့ အမျိုးသား ညီလာခံလို ဟာမျိုးကို တရားဝင်မှု မပေးလိုက်ဖို့ လိုပါတယ်”

-----------------------------------------------------
ဦးဉာဏ်ဝင်း (အမျိုးသား ဒီမိုကရေစီအဖွဲ့ချုပ်၊ ပြောရေးဆိုခွင့်ရှိသူ)

“ဒီမိုကရေစီကို ရည်ရွယ်တယ်လို့ သူတို့ ကြေညာချက်မှာ ပါတယ်နော်။ ဒီမိုကရေစီ ကျင့်စဉ်နဲ့ ပတ်သက်လို့ လုပ်တာတခုမှ မရှိတဲ့အတွက် ကျနော်တို့ ယုံကြည်ဖို့ ခက်နေပါတယ်။ ဘာဖြစ်လို့ ကောက်ခါငင်ကာ ကြေညာလဲဆိုတာ သဘောမပေါက်ဘူးဗျ။ ဆန္ဒခံယူပွဲ လုပ်မယ်ဆိုရင် အဖြေက ထောက်ခံမယ်၊ ကန့်ကွက်မယ် အဖြေက နှစ်မျိုး ဖြစ်နိုင်တယ်။ ကန့်ကွက်တဲ့ဘက်က ဖြစ်နေရင် ရွေးကောက်ပွဲ ဘယ်လုပ်လို့ မရဘူး။ ရွေးကောက်ပွဲပါ တခါထဲ ကြေညာတဲ့အတွက် ထောက်ခံမဲဖြစ်အောင် တနည်းနည်းနဲ့ အတင်းအကျပ် လုပ်မှာကို ကျနော်တို့ စိုးရိမ်နေတယ်။ အခုလောလောဆယ် အများစု ပြည်သူလူထုဟာတော့ မညံ့ပါဘူး”

-----------------------------------------------------
ကိုစိုးထွန်း (၈၈ မျိုးဆက်ကျောင်းသား)

“ကျနော်တို့ ပြောချင်တာကတော့ နအဖ အစိုးရဟာ ၁၉၉ဝ ရွေးကောက်ပွဲ ရလဒ်ကိုတောင်မှ အကောင်အထည် မဖော်သေးဘဲနဲ့ သူတို့ တဖက်သတ် ရေးဆွဲထားတဲ့ အခြေခံဥပဒေ မူကြမ်းကို လုပ်မယ့် ဆန္ဒခံယူပွဲနဲ့ အမျိုးသားညီလာခံမှာ ကျနော်တို့ ပါသင့်ပါထိုက်တဲ့ လူတွေ၊ အနိုင်ရ ၉ဝ ရွေးကောက်ပွဲရလဒ် မှာ အနိုင်ရခဲ့တဲ့ အမျိုးသား ဒီမိုကရေစီ အဖွဲ့ချုပ် လွှတ်တော် ကိုယ်စားလှယ်တွေ၊ အခြား ပါသင့်ပါထိုက်တဲ့ တိုင်းရင်းသား ခေါင်းဆောင် ကိုယ်စားလှယ်တွေ၊ တိုင်းရင်းသားအဖွဲ့က ကိုယ်စားလှယ်တွေကို ပါဝင်ခွင့်မပြုဘဲနဲ့ တဖက်သတ် ရေးဆွဲထားတဲ့ အခြေခံဥပဒေ မူကြမ်းကို ကြည့်မယ်ဆိုရင် ဒါတွေဟာ လုံးဝ လက်မခံနိုင်ဘူး။ တဖက်သတ် လုပ်ဆောင်လို့ မရဘူး။ ဒါတွေကို ကျနော်တို့က ဒီနေ့ ကြေညာထားပြီး ဖြစ်တယ်။ ကျနော်တို့ ၈၈ ကျောင်းသားများအဖွဲ့က ဒီလုပ်ဆောင်ချက်မျိုးတွေကို လက်ခံမှာ မဟုတ်ဘူး။ လူအားလုံး လက်ခံနိုင်တဲ့၊ အများသဘောတူ ပါဝင် ရေးဆွဲထားတဲ့ နိုင်ငံသားတွေတိုင်းရဲ့ တဦးချင်းစီရဲ့ အခွင့်အရေးကို အာမခံနိုင်တဲ့ အနာဂတ်မှာ အရေးကြီးတဲ့ အခြေခံဥပဒေ မူကြမ်း ရေးဆွဲရာမှာ အားလုံး ပါဝင်ဖို့လိုတယ်။ အားလုံးပါဝင်ဖို့ လိုတာကို တဖက်သတ် ရေးဆွဲမှုနဲ့ တဖက်သတ် ပြဋ္ဌာန်းတယ်ဆိုရင်တော့ ကျနော်တို့အနေနဲ့ လုံးဝ လက်မခံနိုင်ဘူးဆိုတဲ့ အကြောင်းကို ထုတ်ပြန်တဲ့ ကြေညာချက် ဖြစ်ပါတယ်”

“လမ်းပြမြေပုံ ၇ ရပ်အတိုင်း သွားမယ်လို့ သူတို့ ပြောခဲ့တာရှိတယ်။ အဲဒီအတိုင်း အကောင်အထည်ဖော်တာ ဖြစ်တာပေါ့။ ကျနော်တို့ မြန်မာပြည်တွင်းမှာ ရှိတဲ့ ပြည်သူလူထုရဲ့ ဆန္ဒတွေ အမျိုးသား ပြန်လည်သင့်မြတ်ရေး အတွက်ကို အလေးအနက် ပြောနေတယ်။ ထပ်တလဲလဲ အကြိမ်များစွာ ပြောနေတယ်။ တွေ့ဆုံဆွေးနွေးရေး လုပ်ပါဆိုတဲ့ နိုင်ငံတကာ ကုလသမဂ္ဂ အပါအဝင် နိုင်ငံတကာ မိသားစုရှိတဲ့ ဆန္ဒတွေကိုပါ ဆန့်ကျင်ပစ်ပယ်ရာ ရောက်တဲ့သဘော၊ ပြောင်ပြောင်တင်းတင်း ပြောလိုက်တဲ့ သဘောလည်း ဖြစ်တယ်ပေါ့ဗျာ”

“လူထုကတော့ ပြီးခဲ့တဲ့ စက်တင်ဘာလတုန်းက ငြိမ်းချမ်းစွာ သံဃာတော်တွေ မေတ္တာပို့ ဆန္ဒထုတ်ဖော်တဲ့ ပွဲမှာ သူတို့ အကြမ်းဖက်ပြီးတော့ တကယ် သတ်ဖြတ်တဲ့အတွက် ပြည်သူလူထုကတော့ အစိုးရအပေါ်မှာ နာနာကျင်ကျင်နဲ့ အနိဋ္ဌာရုံတွေဟာ ရင်ထဲမှာ ဘယ်တော့မှ မေ့ပျောက်မှာ မဟုတ်ပါဘူး။ ဒါနဲ့ သူတို့က ဒါကို လိုက်ပြီးတော့ ခြိမ်းခြောက်မူတွေ လုပ်တယ်။ သူတို့ ကြံ့ခိုင်ရေးတွေ၊ စွမ်းအားရှင်တွေ၊ မီးသတ်တွေ၊ သူတို့ရဲ့ နောက်လိုက်နောက်ပါတွေ အင်အားသုံးပြီးတော့ လုပ်မယ်ဆိုရင်တော့ ပြည်သူလူထုက အဲဒီအချိန်မှာ ရဲရဲဝံ့ဝံ့နဲ့ ရင်ဆိုင်ရဖို့ပဲ ရှိပါတော့တယ်။ အဲဒီအပေါ်မှာ အမှန်တရားဘက်က ရပ်မလား၊ အဓမ္မဘက်က ရပ်မလား။ ကျနော်တို့ ဆွေမျိုးတမျိုးလုံးကို ကျွန်ပြုအုပ်ချုပ်တော့မယ် အခြေခံဥပဒေ မူကြမ်းတခုကို ကျနော်တို့ လက်ခံမလား၊ ဒါမှမဟုတ် ကိုယ်လိုချင်တဲ့ ကိုယ့်အခွင့်အရေးတခု ကိုယ့်ရဲ့ လွတ်လပ်မှု၊ ကိုယ့်ရဲ့ဘဝ၊ ရေရှည်အနာဂတ်၊ ကိုယ့်ရဲ့ သားစဉ်မြေးဆက် ဘဝတွေကို အာမခံနိုင်တဲ့၊ ကိုယ့်လိုချင်တဲ့ စနစ်ခေတ်သစ် တရပ်ကို ကိုယ်တိုင် ဖန်တီးရမလား၊ အဲဒီအတွက်ကို ကျနော်တို့ ဘယ်လောက် ကျနော်တို့ စွန့်လွတ်ဖို့ လိုတယ်။ ရဲရဲဝံ့ဝံ့ အမှန်တရားဘက်က ရပ်တည်ခဲ့ကြမလဲ။ ငြင်းပယ်ရဲကြမလဲ ဆိုတဲ့ အပေါ်မှာပဲ မူတည်ပါတယ်”

“ပြည်သူလူထုတရပ်လုံး အခုအချိန်မှာ အရေးကြီးတဲ့ အချိန်ကို ရောက်နေပါပြီ။ ဒေါ်အောင်ဆန်းစုကြည် ပြောသလို အမျိုးသား ပြန်လည် သင့်မြတ်ရေးအတွက် ကျနော်တို့ ဒီမိုကရေစီ အင်အားစုတွေရော၊ အန်အယ်ဒီ အဖွဲ့ချုပ် အပါအဝင် ကျနော်တို့ တိုင်းရင်းသား ကိုယ်စားလှယ်တွေ အားလုံးကလည်း အလေးအနက် တိုက်တွန်းနေကြတယ်။ သွေးမြေကျမှု အနည်းဆုံး၊ တိုင်းပြည်မှာ ငြိမ်းချမ်းစွာနဲ့ အမျိုးသား ကြေပြုန်းမှု အနည်းဆုံး၊ အားလုံး စုပေါင်းအဖြေရှာဖို့ လိုပါတယ်။ အခုလည်း အမျိုးသား ဒီမိုကရေစီအဖွဲ့ချုပ်ကလည်း ဒေါ်အောင်ဆန်းစုကြည်ကနေ ပြောလိုက်တာကလည်း တွေ့ဆုံဆွေနွေးရေးဟာ အရေးကြီးပါတယ်။ တိုင်းပြည်ရဲ့ ပြဿနာဟာ ပြည်ထောင်စုကြီး ငြိမ်းချမ်းသာယာ ဝဖြိုးစေဖို့ ပြည်ထောင်စုရဲ့ ထာဝရ ငြိမ်းချမ်းရေးနဲ့ ရေရှည်ပညာရေးကို အာမခံချက် ပေးနိုင်ဖို့အတွက်က တွေ့ဆုံဆွေးနွေးညှိနှိုင်း အဖြေရှာဖို့ အရေးကြီးတယ်ဆိုတာ ပြောခဲ့ပြီးပါပြီ။ ဒါကို နအဖ အစိုးရက မျက်ကွယ်ပြုပြီးတော့ သွားနေတဲ့အတွက် ပြည်သူလူထုက အဆိုးဆုံး အတွက်ကို ရင်ဆိုင်ဖို့ ပြင်ထားကြရပါတော့မယ်။ အဲဒီအတွက် ကျနော်တို့ အခြေခံဥပဒေ မူကြမ်းအရ ဆိုရင်လည်း တပ်မတော်ကနေ အစစအရာရာ တတိုင်းပြည်လုံး အုပ်ချုပ်နိုင်တဲ့ သူ့ရဲ့ ဗျူဟာ၊ သူ့ရဲ့ စစ်ကျွန် ဇာတ်သွင်းရေးဟာ ဖြစ်နေပါပြီ။ အဲဒီအတွက်ကြောင့် ကျနော်တို့တွေဟာ ကျနော်တို့ သားစဉ်မျိုးဆက် ဘဝတွေ လှပဖို့၊ ကျနော်တို့ အဖိုး၊ အဖေ၊ အမေတွေ လက်ထက်က မပြောင်းလဲခဲ့ကြဘူး။ ဘဝတွေက ဆိုးသထက် ဆိုးလာနေပြီ။ အဲဒီတော့ ကျနော်တို့ သားစဉ်မျိုးဆက် ဘဝတွေ ဆိုးသထက် မဆိုးရဖို့အတွက်၊ အနာဂတ်ဘဝတွေ လှပဖို့အတွက်ကို ရဲရဲဝံ့ဝံ့နဲ့ တဦးချင်းတယောက်ချင်း တာဝန်ယူဖို့ ဖိတ်ခေါ်ချင်တယ်။ ရဲရဲဝံ့ဝံ့ ဆန့်ကျင်ရဲဖို့၊ ငြင်းပယ်ရဲကြဖို့ပဲ လိုပါတော့တယ်”

(အယ်ဒီတာ။ ။ ဆက်လက်၍လည်း ဆန္ဒခံယူပွဲ၊ ရွေးကောက်ပွဲ ကိစ္စနှင့် ပတ်သက်၍ တွေ့ဆုံ မေးမြန်းမှုများအား တင်ပြသွားပါမည်။ စာဖတ်သူလည်း သင်၏ အမြင်ကို အီးမေးလ်မှတဆင့်ဖြစ်စေ၊ တယ်လီဖုန်းနံပါတ် ပေးပို့၍ ပြန်လည် ဆက်သွယ် မေးမြန်းစေခြင်းဖြင့် ဖြစ်စေ ပေးပို့နိုင်ပါသည်။

Generation Wave's Statement

လူထုအပေါ် မောက်မာသည့် ပြည်ခိုင်ဖြိုးတဦး ခေါင်းဖြတ်ခံရ

DVB news
--------------------------------------------------------------------------------------------------------------------------------------------
ကချင်ပြည်လွတ်လပ်ရေးအဖွဲ့၏ တော်လှန်ရေးနေ့အထိမ်းအမှတ်ပွဲ ကျင်းပ
NEJ/ ၄ ဖေဖေါ်ဝါရီ ၂၀၀၈

ဖေဖော်ဝါရီ (၅) ရက်တွင် ကျရောက်မည့်
(၄၇) နှစ်မြောက် ကချင်ပြည်လွတ်လပ်ရေး အဖွဲ့၏ တော်လှန်ရေးနေ့ အထိမ်းအမှတ် ပွဲတော်ကို တရုတ်-မြန်မာနယ်စပ်ရှိ ကချင်
ပြည် လွတ်လပ်ရေး အဖွဲ့ထိန်းချုပ်ရာ လိုင်ဇာ မြို့၌ စတင်ဖွင့်လှစ်ခဲ့သည်။

အဆိုပါပွဲတော်ကို ဖေဖော်ဝါရီ (၂) ရက်
နံနက် အစောပိုင်းတွင် လိုင်ဇာမြို့ရှိ မနော ကွင်း၌ ကချင်ရိုးရာမနောပွဲ ကျင်းပကာ


ဖွင့်လှစ်ခဲ့ပြီး မြောက်ပိုင်းတိုင်းစစ်ဌာနချုပ်မှ ဒု-တိုင်းမှူး ဗိုလ်မှူးချုပ်စံထွန်း အပါအ၀င် ကချင်ပြည် နယ်အတွင်းရှိ ဘာသာရေးခေါင်းဆောင်များ၊ ပြည်တွင်းရှိ ယဉ်ကျေးမှုအဖွဲ့မှ ကိုယ်စားလှယ်များ တက်ရောက်ခဲ့ သည်ဟု ပွဲတော်သို့သွားရောက်ခဲ့သူ လိုင်ဇာဒေသခံတဦးက ပြောသည်။

၎င်းက “ပွဲအတော်လေး လူစည်တယ်၊ မပခ ဒု-တိုင်းမှူးလည်း လာတက်တယ်၊ မနောပွဲနဲ့ စဖွင့်တဲ့ သဘောပေါ့။ (၅) ရက်နေ့ကျမှ တကယ်ပွဲကြီးလုပ်မှာပေါ့၊ အဲဒီနေ့ကျ စစ်ရေးပြအခမ်းအနားတွေ ပါမှာ၊ ကေအိုင်အေ ရဲဘော်တွေ ထောင်နဲ့ချီ စစ်ရေးပြကြမှာ၊ အဲဒီမှာပါဖို့ အများကြီး ရောက်နေကြ တယ်၊ (၂) ရက်နေ့ညပိုင်းကစလို့ စတိတ်ရှိုးတွေ လုပ်တယ်၊ ငွေပေးစရာမလိုဘူး၊ ကြည့်ချင်တဲ့ သူ ကြည့်ပေါ့၊ မန္တလေးဘက်က ယဉ်ကျေးမှုအဖွဲ့တွေလည်း လာတယ်လေ၊ ရုပ်သေးအကတို့ ရှေးဟောင်းပုဂံအကတို့ ကပြတာတွေ လုပ်တာပေါ့” ဟု ပြောသည်။

တော်လှန်ရေးနေ့ အထိမ်းအမှတ်ပွဲများကို နအဖနှင့် အပစ်ခတ်ရပ်စဲရေးပြုလုပ်သည့် ၁၉၉၄ ခုနှစ် မတိုင်မီက ဗဟိုဌာနချုပ်ရှိရာ တရုတ်-မြန်မာနယ်စပ်ရှိ လိုင်စင်ဒေသတွင်သာ တခမ်းတနား ကျင်းပနိုင်သော်လည်း လက်အောက်ခံ နယ်မြေများအတွင်းရှိ တပ်ရင်း၊ တပ်ဖွဲ့များတွင် အကျဉ်း ခြုံးသာ ကျင်းပနိုင်ခဲ့ရာမှ တနှစ်ထက်တနှစ် စည်စည်ကားကား ကျင်းပလာနိုင်သည့်အပေါ် ဂုဏ်ယူမိသည်ဟု ကချင်ပြည် လွတ်လပ်ရေးတပ်မတော်မှ အရာရှိတဦးက ပြောသည်။

၎င်းက “ကျနော်တို့ရဲ့ ဦးလေးတွေ၊ အကိုတော်တွေ စလုပ်ခဲ့လို့ ကေအိုင်အေ ဆိုတာရှိလာတာ ပေါ့ခင်ဗျာ၊ ဒါကြောင့် တော်လှန်ရေးနေ့ကို ကျနော်တို့အနေနဲ့ သတိတရနဲ့ လုပ်ကြတာ၊ အခုက
အဝေးက ရဲဘော်တွေလည်း လာကြတော့ ပျော်ပျော်ပါးပါး ပြန်ဆုံကြတာပေါ့” ဟု ပြောသည်။

ဖဆပလ အစိုးရလက်ထက်တွင် ဗုဒ္ဓဘာသာကို နိုင်ငံတော်ဘာသာအဖြစ် သတ်မှတ်မှုအပေါ် မကျေနပ်ကြသည့် ကချင်ကျောင်းသားလူငယ်များဖြစ်သည့် ဇော်တူး၊ ဇော်ဆိုင်းတို့က ဦးဆောင်ပြီး ၁၉၆၁ ခု၊ ဖေဖေါ်ဝါရီ (၅) တွင် လက်နက်ကိုင်စွဲ ပုန်ကန်ခဲ့သည်ကို အကြောင်းပြု၍ ထိုနေ့ ကျရောက်တိုင်း တော်လှန်ရေးနေ့ အထိမ်းအမှတ်ပွဲများ ကျင်းပနေခြင်းဖြစ်သည်။ ။